Deobandi Books

***
حضرت عبدالرحمٰن بن عمرو الاوزاعیؒ
(۱)جب سے الفاظ میں بناوٹ اور سجاوٹ آئی تو قاری و سامع دونوں سے خشوع جاتا رہا ۔
(۲)سلفِ صالحین یعنی صحابہ و تابعین کے اقوال و اعمال کو اپنے اوپر لازم کرلو اگرچہ لوگ اس میں تمہارا ساتھ نہ دیں ۔
(۳)سلامتی اور عافیت کے دس اجزاء ہیں جن میں نو کے برابر تو خاموشی ہے اور اسی کا ایک جزو لوگوں سے بے نیازی ہے ۔
(۴)جو شخص موت کو زیادہ یاد کرتا ہے اس کو ہر معاملہ میں آسانی میسر آتی ہے ۔
(۵)جب اللہ تعالیٰ کسی قوم کو ذلیل کرنا چاہتا ہے تو اس میں بحث و مباحثہ اور جدال و مناظرہ کا دروازہ کھول دیتا ہے اور علم وعمل کے دروازے ان کے لئے بند کردیتا ہے ۔
(۶)جو شخص علماء کے شاذ و نادر اقوال پر عمل کرے گا وہ ایک دن اسلام کے دائرہ سے نکل جائےگا ۔
(۷)جو واعظ اللہ کی رضا کے لئے وعظ نہیں کہتا اس کی باتیں دل سے اس طرح نکل جاتی ہیں جس طرح پتھر کے اوپر سے پانی نکل جاتا ہے ۔ 
(۸)مؤمن بات کم کرتا ہے اور عمل زیادہ ، اور منافق عمل کم کرتا ہے اور بات زیادہ ۔ 
(۹)اپنے اہل و عیال کی ذمہ داری سے فرار اختیار کرنے والا بھاگنے والے غلام کی طرح ہے ، اللہ تعالیٰ اس کی نماز و روزہ کو قبول نہیں فرماتے جب تک کہ وہ لوٹ کر نہیں آتا ۔