انوار اسلام |
س کتاب ک |
 |
*** حضرت عدی بن نضلہؓ نام ونسب عدی نام،والد کا نام نضلہ تھا، شجرۂ نسب یہ ہے،عدی بن نضلہ بن عبدالعزیٰ ابن حرثان بن عوف بن عویج بن عدی بن کعب۔ اسلام وہجرت دعوتِ اسلام کے آغاز میں مکہ میں مشرف باسلام ہوئے اورہجرت کرکے حبشہ گئے۔ (ابن سعد،جزء۴،ق۱:۱۰۳) وفات وقت پورا ہوچکاتھا،اس لیے مدینہ جانے کی نوبت نہیں آئی اوراسی غربت کدہ میں پیوند خاک ہوگئے،مہاجرین میں عدی پہلے شخص ہیں جنہوں نے ارض حبشہ کو آرام گاہ بنایا۔ (اصابہ:۴/۲۲۳) اولاد وفات کے بعد متعدد اولادیں یادگار چھوڑیں،صاحبزادوں میں نعمان اورنعیم اور صاحبزادیوں میں آمنہ تھیں، حضرت عمرؓ نے اپنے زمانہ خلافت میں نعمان کو بسیان کا عامل بنایا تھا، یہ شاعر آدمی تھے،ایک غزل میں ایک عورت کی تشبیب کرڈالی، حضرت عمرؓ کو معلوم ہوا تو انہوں نے فوراً معزول کردیا، نعمان نے بڑی صفائی پیش کی کہ اس کا مقصد شاعری تھا، واقعہ سے اس کو کوئی تعلق نہیں ؛لیکن آپ نے کوئی عذر معقول نہ سمجھا اورفرمایا، ان اشعار کے بعد تم میرے عامل نہیں رہ سکتے۔ (ابن سعد،جز۴،ق۱:۱۰۳)