Deobandi Books

***
جب ٹیلے یا اونچے مقام پر چڑھے
حضرت جابرؓ سے روایت ہے کہ ہم لوگ جب اونچائی پر چڑھتے تو " اللہ اکبر" نیچے اتر تے تو " سبحان اللہ" پڑھتے:
حضرت ابن عمرؓ سے مروی ہے کہ آپ ﷺ اورلشکر جب کسی اونچائی پر چڑھتے تو اللہ اکبر کہتے اورجب کسی نشیبی حصہ میں اترتے تو سبحان اللہ پڑھتے۔ 
(ابوداؤد:۳۵۰،اذکار:۱۸۹)
حضرت انسؓ سے مروی ہے کہ آپ ﷺ جب زمین کی اونچائی پر چلتے تو یہ پڑھتے:
اَللّٰھُمَّ لَکَ الشَّرْفَ عَلیٰ کُلِّ شَرَفٍ وَلَکَ الْحَمْدُ عَلٰی کُلِّ حَالٍ
(ابن سنی:۴۶۸،نزل الابرار:۴۳۴،مسند احمد:۳/۱۲۷)
ترجمہ:اے اللہ! آپ ہی کے لئے بلندی ہے ہر بلندی پر اورآپ ہی کے لئے تعریف ہے ہر حال میں۔
حضرت ابوہریرہؓ سے روایت ہے کہ آپ ﷺ کی خدمت میں ایک شخص آیا جو سفر میں جانے کا ارادہ رکھتا تھا اس نے کہا اے اللہ کے رسول ! ہمیں نصیحت فرما دیجئے، آپ نے فرمایا میں تم کو تقویٰ کی نصیحت کرتا ہوں اوریہ کہ ہر بلندی پر چڑھتے ہوئے تکبیرکہو۔
(ابن ماجہ،ترمذی:۲/۱۸۲،حاکم:۲/۹۸)
فائدہ: زینہ اورسیڑھی پر چڑھتے ہوئے اللہ اکبر اور اترتے ہوئے سبحان اللہ کہے۔