انوار اسلام |
س کتاب ک |
|
*** حضرت انیس ؓبن ابی مرثد غنوی نام ونسب انیس نام، ابویزید کنیت، نسب نامہ یہ ہے ،انیس بن ابو مرثد(کناز) بن حصین بن پر بوع ابن جھنیہ بن سعد بن طریف بن خوشہ بن سعد بن عوف بن کعب بن حلان بن غنم ابن یحییٰ بن اعصر بن سعد بن قیس بن عیلان بن مضر مضری،ان کے والد حضرت ابو مرثد مہاجر تھے، بعض روایتوں سے معلوم ہوتا ہے کہ انصار کے حلیف تھے،لیکن صحیح یہ ہے کہ ان کے دادا حضرت حمزہؓ کے حلیف تھے۔ (اسدالغابہ،جلداول،تذکرہ انیسؓ) اسلام وغزوات فتح مکہ کے پہلے مشرف باسلام ہوئے،فتح مکہ حنین اور اوطاس کے غزووں میں آنحضرتﷺ کے ہمرکاب تھے،اوطاس میں جاسوسی کی خدمت سپرد تھی، (استیعاب ،جلد۱،صفحہ:۳۰) کبھی کبھی آنحضرتﷺ اجرائے حدود کی خدمت پر مامور فرماتے تھے،ایک مرتبہ ایک عورت زنا کے الزام میں ماخوذ ہوئی آنحضرتﷺ نے انیس کو حکم دیا کہ جاکر اس سے دریافت کرو اگر اقرار کرے تو حد جاری کرو۔ وفات ربیع الاول ۲۰ھ میں وفات پائی