انوار اسلام |
س کتاب ک |
 |
*** مسجد،وضواورنمازکی دعائیں مسجدسے متعلق نماز کے لئے مسجد میں جائے تو حضرت بلالؓ سے مروی ہے کہ آپ ﷺ جب نماز کے لئے نکلتے تو یہ دعاء پڑہتے: بِسْمِ اللہِ آمَنْتُ بِاللّٰہِ تَوَکَّلْتُ عَلٰی اللہِ لَا حَوْلَ وَلَا قُوَّۃَ اِلابِاللّٰہ ِاَللّٰھُمَّ بِحَقِّ السَّائِلِیْنَ عَلَیْکَ وَبِحَقِّ مَخْرَجِیْ ھَذَا فَاِنِّیْ لِمْ اَخْرُجُہُ اَشْراً وَلاَ بَطَراً وَلاَ رِیَاءً وَلاَ سُمْعَۃً خَرَجْتُ اِبْتِغَاءَ مَرْضَاتِکَ وَاِتِّقَاءَ سَخَطِکَ اَسْئَلُکَ اَنْ تُعِیْذَنِیْ مِنَ النَّارِ وَتُدْخِلَنِیْ الْجَنَّۃَ (ابن سنی:۸۴،اذکار،صفحہ:۲۵،بسندضعیف) ترجمہ:اللہ کے نام سے ایمان لایا اللہ پر بھروسہ کیا اللہ پر نہیں کوئی طاقت وقوت سوائے اللہ کے اے اللہ اس حق کے طفیل جو سائلین کا آپ پر ہے اور نکلنے کے واسطے سے نہ تکبر نہ سرکشی نہ ریا کاری نہ دکھاوے کے لئے نکلا ہوں،تیری رضا کے لئے نکلا ہوں تیر غضب سے بچنے کیلئے،سوال ہے جہنم سے پناہ کا اور جنت میں داخلہ کا۔ حضرت ام سلمہ کی روایت ہے کہ آپ جب نماز کیلئے نکلتے تو یہ پڑہتے۔ اَللّٰھُمَّ اجْعَلْنِیْ اَقْرَبَ مَنْ تَقَرَّبَ اِلَیْکَ وَاَوْجَہَ مَنْ تَوَجَّہَ اِلَیْکَ ،وَاَنْجَحَ مَنْ سَأَلَکَ وَطَلَبَ اِلَیْکَ یَاَاللہُ، یَاَاللہُ یَاَاللہُ یَاَاللہُ یَاَاللہُ ترجمہ:اے اللہ مقرب بندوں میں زیادہ مقرب،متوجہ ہونے والوں میں سب سے زیادہ متوجہ اور سائلین اورطالبین میں سب سے زیادہ کامیاب بنادے،اے اللہ! اے اللہ ! اے اللہ! اے اللہ! (الدعا:۲/۹۹۱)