کتاب الصلوۃ |
دیث کی م |
 |
دُرود شریف لکھنے کے فضائل : حضرت جعفر بن محمّد سے موقوفاً مَروی ہے : جس نے نبی کریمﷺپر کسی کتاب میں (لکھ کر)دُرود بھیجا فرشتے صبح شام اُس کے لئے رحمت کی دُعاء کرتے رہتے ہیں جب تک نبی کریمﷺکا نام اُس کتاب میں لکھا رہتا ہے۔مَنْ صَلَّى عَلَى رَسُولِ اللهِ ﷺ فِي كِتَابٍ صَلَّتْ عَلَيْهِ الْمَلَائِكَة غدْوَة ورَوَاحاً مَا دَامَ اسْمُ رَسُولِ اللهِ ﷺ فِي ذَلِك الْكتاب۔(جلاء الأفہام:116) حضرت ابوہریرہنبی کریمﷺکا یہ اِرشاد نقل فرماتے ہیں : جس نے مجھ پر کسی کتاب میں (لکھ کر ) دُرود بھیجےتو جب تک میرا نام اُس کتاب میں باقی رہے گا فرشتے مستقل اُس کے لئے اِستغفار کی دُعاء کرتے رہیں گے۔مَنْ صَلَّى عَلَيَّ فِي كِتَابٍ لَمْ تَزَلِ الْمَلَائِكَةُ تَسْتَغْفِرُ لَهُ مَا دَامَ اسْمِي فِي ذَلِكَ الْكِتَابِ۔(طبرانی کبیر:1835)جمعہ کے دن درود پڑھنے کے فضائل: حضرت اَوس ابن اوسنبی کریمﷺکا یہ اِرشاد نقل فرماتے ہیں : بے شک تمہارے دنوں میں سب سے افضل جمعہ کا دن ہے، اِسی میں حضرت آدمکو پیدا کیا گیا اور اِسی میں اُن کی روح قبض کی گئی ، اِسی میں قیامت کا نَفخہ اور صَعقہ ہوگا، پس مجھ پر (اس دن میں )کثرت سے درود بھیجا کرو اِس لئے کہ تمہارا درود مجھ پر پیش کیا جاتا ہے۔لوگوں نے کہا : یا رسول اللہ! ہمارا درود آپ تک کیسے پہنچایا جائے گاحالآنکہ آپ مٹی ہوچکے ہوں گے یا یہ فرمایا کہ آپ بوسیدہ ہوچکے ہوں گے،آپﷺ نے اِرشاد فرمایا: بے شک اللہ تعالیٰ نےزمین پر انبیاء علیہم السلام کے( پاکیزہ) جسموں کے کھانے کو حرا م قرار دیدیاہے۔ إِنَّ مِنْ أَفْضَلِ أَيَّامِكُمْ يَوْمَ الْجُمُعَةِ، فِيهِ خُلِقَ آدَمُ عَلَيْهِ السَّلَامُ، وَفِيهِ قُبِضَ، وَفِيهِ النَّفْخَةُ، وَفِيهِ الصَّعْقَةُ،