کتاب الصلوۃ |
دیث کی م |
 |
امام مالک: جماعت منعقد نہیں ہوگی اور فضیلت کا حصول بھی نہ ہوگا ۔ امام احمد بن حنبل: دونوں طرح کے اقوال ہیں ۔ (الموسوعۃ الفقہیۃ الکویتیۃ:27/169)جماعت کی حکمتیں: جماعت کے ساتھ نماز پڑھنے کے بہت سے اِنفرادی اور اجتماعی فوائد ہیں جن کا اِحاطہ کرنے سے عقلِ انسانی قاصر و عاجز ہے ، البتہ جو ظاہری طور پر چند بڑی حکمتیں نظر آتی ہیں وہ یہ ہیں : (1)ایک نماز پر ستائیس نماز کا ثواب ملنا۔(2)آپس میں محبت اور اتفاق بڑھنا اور دوسروں کو دیکھ کر عبادت کا شوق اور رغبت پیدا ہونا نیک لوگوں اور کاملوں کے قلبی انوار سے دوسروں کے قلوب اور لطائف کا منور ہونا۔(3)بزرگ و نیک لوگوں کے ساتھ گناہگاروں کی نماز کا بھی قبول ہو جانا۔(4)ناواقفوں کو واقفوں سے مسائل پوچھنے میں آسانی ہونا اور اپنی غلطیوں کی اصلاح اور دوسروں کی اچھائی و عمدگی حاصل کرنا پس یہ نماز کی صحت و تکمیل کا بہترین ذریعہ ہے۔(5)نماز میں خوب دل لگنا۔(6)ایک دوسرے کے حال کی اطلاع ہونا اور ایک دوسرے کے درد و مصیبت میں شریک ہو سکنا جس سے اخوت و محبت ایمانی میں کمال حاصل ہوتا ہے۔(7)بے نمازیوں کا پتہ چلنا اور ان میں تبلیغ اور وعظ و نصیحت کا موقع ملنا۔(8)نزول رحمت و قبولیت کے لئے خاص اثر رکھنا۔(9)جماعت کے ساتھ نماز ادا کرنا عبادت اور اسلام کی شان اور کلمتہ اللّٰہ کی بلندی اور کفر کی پستی کا ذریعہ ہے۔(11)جماعت پر شیطان کا تسلط نہیں ہوتا۔(12)جماعت کے انتظار کے وقت کا عبادت میں شمار ہونا وغیرہ۔(زبدۃ الفقہ)