کتاب الصلوۃ |
دیث کی م |
 |
سجدۂ شکر کا طریقہ: جس شخص پر کوئی خاص انعامِ الہی ہو مثلاً اللہ تعالیٰ فرزند، یا مال دے یا گم شدہ شخص یا چیز مل جائے یا کوئی مصیبت دور ہو جائے تو اس کے لئے مستحب یہ ہے کہ تکبیر یعنی ”اللّٰہ اکبر “کہہ کراللہ تعالیٰ کے واسطے قبلے کی طرف رُخ کرکے شکر کا سجدہ کرے اور اس میں اللہ تعالیٰ کی حمد ثناء اور تسبیح پڑھے ،پھر دوسری تکبیر کہہ کر سر اٹھا دے ۔(ردّ المحتار:2/119)(عالمگیری:1/136)سجدۂ شکر کے مسائل : مکروہ اوقات میں سجدہ شکر کرنا بھی مکروہ ہے۔(عالمگیری:1/136) کسی سبب کے بغیر سجدہِ شکر کرنا عبادت نہیں، لیکن مکروہ بھی نہیں، یعنی جائز ہے۔(ردّ المحتار:1/120) بعض لوگ نماز کے بعد جو ایک یا دو سجدے کرتے ہیں،مثلاًوتر کے بعد دیکھا جاتا ہے کہ کچھ لوگ دو سجدے کرتے ہیں اور اس کو مسنون سمجھتے ہیں،یہ درست نہیں ،ان کو سنت سمجھ کر ادا کرنا مکروہِ تحریمی ہے لہذا ہر حال میں ان کو ترک ہی کرنا چاہئے۔(ردّ المحتار:1/120 ،419) سجدہ شکر نماز کے دوران کرنا درست نہیں،لہٰذا نماز کے دوران اگر کوئی خوشخبری سننے کو ملے تو نماز کے دوران یہ سجدہ نہیں کرنا چاہیئے ۔(الموسوعۃ الفقہیۃ الکویتیۃ:24/249) («»«»«»(«»«»«»(