Deobandi Books

نفل علی الدابّۃ میں استقبالِ قبلہ کا حکم : 
دابّۃ پر نفل نماز پڑھتے ہوئے قبلہ رُخ ہونا ضروری ہے یا نہیں ، اِس میں تین  باتیں قابلِ وضاحت ہیں : 
(1)قبلہ کا اِستقبال :	یعنی قبلہ رُخ ہوکر نفل پڑھنا ۔
(2)جہتِ سفر کا اِستقبال:	یعنی جس طرف سفر کیا جارہا ہے اُس طرف رُخ کرتے ہوئے نفل پڑھنا ۔
(3)اِبتداء باستقبال الکعبۃ :	صرف نماز کے شروع میں قبلہ رُخ ہونا ۔
اب اِن  تینوں مسئلوں کی تفصیل ائمہ کے اختلاف کے ساتھ ملاحظہ فرمائیں :
قبلہ کا اِستقبال : 
احناف و مالکیہ ﷭:	ضروری نہیں البتہ اِبتداءِ صلاۃ میں قبلہ رُخ ہوکر نماز شروع کرنا بہتر ہے۔
شوافع و حنابلہ﷭:	مشقت نہ ہو تو ضروری ہے ، اور مشقت ہو تو ضروری نہیں ۔ 
جہتِ سفر کا اِستقبال : 
 استقبالِ قبلہ نہ کرنے کی صورت میں کیا  جہتِ سفر کا استقبال  ضروری ہے یا نہیں ، اس میں اختلاف ہے : 
امام ابو حنیفہ ﷫:	ضروری نہیں ، جس جانب بھی رُخ کرکے نماز پڑھی جائے ہوجائے گی ۔ 
ائمہ ثلاثہ ﷭:	ضروری ہے ، پس جہتِ سفر سے انحراف کرنے سے نماز باطل ہوجائے گی ۔ 
اِبتداء ِ صلاۃ باستقبال الکعبۃ:
نماز شروع کرتے ہوئے تکبیرِ تحریمہ  قبلہ رُخ ہرکر کہنا ضروری ہے یا نہیں ، اِس میں اختلاف ہے :
اِمام مالک اور اِمام ابوحنیفہ﷮:	ضروری نہیں ، لیکن مستحب ہے ۔