محقق و مدلل جدید مسائل جلد 1 |
 |
آنسو یا پسینہ روزے دار کے منہ میں چلا جائے تو کیا حکم ہے؟ مسئلہ(۱۹۹) : اگر روزہ دار رورہا ہو اور روتے ہوئے کثیر مقدار میں آنسو اس کی آنکھ سے بہتے رہے اور منہ میں داخل ہوتے گئے ، یہاں تک کہ سارا منہ کھارا ہوجائے ، یا اس نے بہت سے آنسوؤں کو نگل لیا تو روزہ فاسد ہوگا۔یہی حکم چہرے کے پسینے کابھی ہے کہ جب وہ روزے دار کے منہ میںداخل ہوجائے تو روزہ ٹوٹ جائے گا۔(۱)روزہ کی حالت میں بتکلف قے کرنا مسئلہ(۲۰۰): اگر کسی شخص نے روزے کی حالت میں بتکلف منہ بھرکر کھانا ، پانی یا پت کی قے کیا ،یا قے کو از خود لوٹالیا، تو اس صورت میں اس کا روزہ ٹوٹ جائے گا ۔(۲) ------------------------------ الحجۃ علی ما قلنا: (۱) ما في ’’ الفتاوی الہندیۃ ‘‘ : والدموع إذا دخلت فم الصائم۔۔۔۔۔۔۔۔۔إن کان کثیراً حتی وجد ملوحتہ في جمیع فمہ واجتمع شيء کثیر فابتلعہ یفسد صومہ ، وکذا عرق الوجہ إذا دخل فم الصائم کذا في الخلاصۃ ۔ (۱/۲۰۳) (رمضان کے شرعی احکام:۲۰۴) الحجۃ علی ما قلنا: (۲) ما في ’’ الفتاوی الہندیۃ ‘‘ : إذا قاء أو استقاء مل ء الفم۔۔۔۔۔۔۔۔ فلا فطر علی الأصح إلا في الإعادۃ والاستقاء بشرط ملء الفم ۔ ھکذا في النھر الفائق۔۔۔۔۔۔۔۔۔ وہذا کلہ إذا کان القيء طعاماً أو ماء أو مرّۃ ۔۔۔۔۔۔۔ اھـ۔ (۱/۲۰۴) ما في ’’ رد المحتار ‘‘ : وإن ذرعہ القیء و خرج ولم یعد لایفطرمطلقا ملأ أو لا ، وإن أعادہ أو قدرحمصۃ منہ فأکثر۔’’ حدادي ‘‘۔ أفطر إجماعاً ولا کفارۃ إن ملأ الفم وإلا لا =