محقق و مدلل جدید مسائل جلد 1 |
|
فصل فی سجدۃ التلاوۃ (سجدہ تلاوت کا بیان) ٹی وی پر آیتِ سجدہ سننے سے سجدۂ تلاوت لازم ہوگا یا نہیں؟ مسئلہ(۷۳): اگر ٹی وی (T.V) پر پروگرام براہِ راست (Telecast) نشر کیا جائے تو اس کے ذریعہ آیتِ سجدہ سننے پر سجدۂ تلاوت واجب ہوگا۔ اور اگر پہلے ویڈیو ریکارڈ (Video,Ricord) کیا جائے، پھر نشر کیا جائے تو سجدۂ تلاوت واجب نہیںہوگا۔(۱) ------------------------------ الحجۃ علی ما قلنا: (۱) ما في ’’ الدر المختار مع رد المحتار ‘‘ : (یجب بـ) سبب (تلاوۃ آیۃ)۔۔۔۔۔۔۔۔۔۔ (بشرط سماعہا) فالسبب التلاوۃ والسماع وإن لم یوجد السماع، کتلاوۃ الأصم، والسماع شرط في حق غیر التالي ۔ ’’ درمختار ‘‘ ۔ (۲/۵۷۵، باب سجود التلاوۃ) ما في ’’ الفتاوی الہندیۃ ورد المحتار ‘‘ : ولا تجب إذا سمعہا من طیر ہو المختار۔۔۔۔۔ وإن سمعہا من الصدی لا تجب علیہ کذا في الخلاصۃ ۔ (۱/۱۳۲، الباب الثالث عشر في سجود التلاوۃ ، رد المحتار : ۲/۵۸۳ ، باب سجود التلاوۃ) (فتاوی حقانیہ:۳/۳۳۸، احسن الفتاوی: ۲/۶۵)