احتساب قادیانیت جلد نمبر 57 |
 |
بھی محض ناآشنا ہیں۔ یعنی قلت کی سند اس وقت صحیح ہوتی ہے جبکہ حدیث مندرجہ بالامیں لفظ اکثر ہوتا جو کثرت سے مشتق ہے۔ پس جیسا سوال ویسا ہی جواب۔ السواد الاعظم سے مراد سے مراد اعظم درجتہً عند اﷲ ہے جو کیفاً ہے نہ کہ کماً اور وہ کون ہے صحابہ اور تابعین اور جمہور مجتہدین محدثین مفسرین متبعین کتاب وسنت مگر امروہی صاحب فرماتے ہیں کہ وہ جماعت مرزائیہ ہے جو متبع کتاب وسنت ہے۔ سبحان اﷲ کیا کہنا ہے گویا تیرہ سو برس تک یہ حدیث معلق رہی اور یہ معنی ہوئے کہ تیرہ سو برس کے بعد جب موضع قادیان میں ایک مدعی نبوت پیدا ہو تو اس کی امت کے سواد اعظم کا اتباع کرو۔ اور ۱۳؍سوبرس تک جتنے صحابہ اور تابعین اور تبع تابعین اور جمہور علماء اسلام گزرے سب گمراہ اور ’’من شذشذفی النار‘‘میں داخل رہے۔ ’’الامان من ہذا لبہتان‘‘ پھر آنحضرتa نے ایسا حکم دیا جس کی تعمیل تکلیف مالا یطاق تھی۔ کیا معنی کہ حکم تو دیا آج اور تعمیل ۱۳؍سو برس کے بعد موجود اور معدوم سب اس حکم کی تعمیل سے آزاد اور کورے رہے۔ امروہی صاحب اینڈی بینڈی چالیں چلے ہیں۔ مگر بالآخر ایک بدمست شرابی یا بھنگڑ کی طرح قدم قدم پر لڑکھڑا کر گرے ہیں۔ آپ کا مطلب شاید یہ ہو کہ جس طرح صحابہ اور تابعین کتاب وسنت کے متبع تھے۔ مرزائی جماعت بھی ویسی ہی متبع ہے۔ تو ہم پوچھتے ہیں کہ صحابہ اورتابعین میں سے کس نے تصویریں بنا کر فروخت کیں اور کرائیں اور کس نے گھروں میں تصویریں رکھنے اور ان کی عظمت کرنے کی ہدایت کی۔ کس نے دعویٰ نبوت کیا اور کس نے تصویر کو ابلاغ وتبلیغ کا آلہ بنایا۔ حضرت عائشہؓ نے یہ تو فرما دیا کہ ’’لاتقولوا لا نبی بعدہ‘‘ مگر ۱۳؍سوبرس تک ایک بھی نبی پیدا نہ ہوا۔ نہ صحابہ اور تابعین اور اولیاء اﷲ میں سے کسی نے نبوت کا دعویٰ کیا۔ پھر حضرت عائشہؓ کی حدیث نے کیا فائدہ دیا۔ اب فرمائیے اس صورت میں مرزائی جماعت کیونکر مثل صحابہ وتابعین متبع کتاب وسنت ہوئی۔ صحابہ اور تابعین میں سے کس نے منارہ بنایا کس نے اپنے قصبہ کو مکہ اور مدینہ قرار دیکر حج کا فرض ساقط کرایا۔ کس نے پیشینگوئیاں کیں کس نے غیب دانی کا دعویٰ کیا۔ خود آنحضرتa نے بھی کبھی ایسا دعویٰ نہیں کیا کہ مجھ پر اس لئے ایمان لائو کہ میں غیب دان ہوں اورلوگوں کی موت کی پیشینگوئیاں کرتا ہوں بلکہ غضبناک ہوکر خود ان کو مارتاا ور جلاتا ہوں۔ فرمائیے آپ کی جماعت اور آپ کے ولی کھنگڑ جو خیالی اور جعلی نبوت کے مندر کے اندر ہیں کیونکر متبع کتاب وسنت اور صحابہ اورتابعین کے سواد اعظم میں داخل ہوئے۔ خاتم النّبیین کے یہ معنی کس نے بیان کئے کہ نبوت کاملہ تو ختم ہوگئی مگر نبوت ناقصہ کا وجود تا قیامت باقی ہے اور