خزائن القرآن |
 |
علامہ محمود نسفی نےتفسیرِ خازن میں لکھا ہے کہ یہاں حَسُنَ اُولٰٓئِکَ رَفِیۡقًا معنی میں افعالِ تعجب کے ہے۔ یعنی مَا اَحْسَنَ اُولٰٓئِکَ رَفِیْقًا کیا ہی پیارے یہ رفیق ہیں۔ ؎یہ حَسُنْ معنی میں مَا اَحْسَن کے ہے مَا اَحْسَنَہٗ وَ اَحْسِنْ بِۢہٖ، مَا اَفْعَلَہٗ وَاَفْعِلْ بِہٖ دو صیغے افعالِ تعجب کے ہیں۔ مطلب یہ کہ سبحان اللہ! کتنے پیارے لوگ ہیں یہ اللہ والے۔ اس کا کیا مطلب ہوا؟ کیا یہ خالی خبر ہے یا اس میں انشاء پوشیدہ ہے۔ اگر آپ کہیں کہ آج میرے یہاں گرما گرم کباب تیار ہے تو کیا مہمان اس کو خالی خبر سمجھے گا یا دعوت بھی سمجھے گا۔ آہ! اللہ تعالیٰ دعوت دے رہے ہیں کہ اے لوگو! میں دعوت دیتا ہوں کہ میرے مقبول بندوں کو جلدی سے اپنا ساتھی بنا لو۔ مگر اس رفاقت میں حسن ڈالنا حَسُنَ اُولٰٓئِکَ رَفِیْقًا حسین رفاقت اختیار کرنا۔ حسین رفاقت جب ہوتی ہے جب اتباع بھی ہو۔ اپنے رفیق و مربّی کے مشوروں پر عمل بھی کیا جائے ۔ وہ شخص حسنِ رفاقت سے محروم ہے جو شیخ کے بتائے ہوئے طریقوں سے الگ نفس کے کہنے پر عمل کرتا ہے۔صراطِ منعم علیہم صراطِ مستقیم کا بدل الکل ہے علامہ آلوسی رحمۃ اللہ نے فرمایا کہ جتنے اللہ والے ہیں یہ صراطِ مستقیم کے بدل الکل من الکل ہیں۔ اس بدل کے تین نام ہیں: بدل الکل من الکل، بدل المطابق، بدل الموافق یعنی صراطِ مستقیم پورا پورا اللہ والوں کا راستہ ہے، جس نے اللہ والوں کا راستہ اختیار نہ کیا وہ صراطِ مستقیم سے محروم ہے۔کلام اللہ کا اعجازِ بلاغت اور علمائے نحو کی حیرانی اب ایک علمی اِشکال اس پر یہ ہے کہ ترکیبِ بدل میں بدل مقصود ہوتا ہے مبدل منہ مقصود نہیں ہوتا جیسے جَآءَ نِیْ زَیْدٌ اَخُوْہٗ آیازید یعنی اس کا بھائی۔ تو زید نہیں آیا ہے، اس کا بھائی آیا ہے، بھائی اس کا بدل ہے یہاں اس کابھائی مقصود ہے زید مقصود نہیں۔ اس پر اِشکال ہوتا ہے کہ جب مبدل منہ کلام میں غیرمقصود ہوتا ہے اور بدل مقصود ہوتا ہے تو اِہۡدِ نَا الصِّرَاطَ الۡمُسۡتَقِیۡمَ مبدل منہ ہے تو نعوذ باللہ ،اللہ کے کلام میں غیر مقصود بھی آ گیا۔ تو حکیم الامت تھانوی رحمۃ اللہ علیہ نے اس کا جواب دیا کہ مبدل منہ میں اللہ نے ایک لفظ بڑھا دیا جو بدل میں نہیں ہے۔ وہ کیا ہے؟ مستقیم، صفتِ استقامت اِہۡدِ نَا الصِّرَاطَ الۡمُسۡتَقِیۡمَ مبدل منہ میں صفتِ مستقیم نازل کر کے اور بدل میں یہ صفت نازل نہ کرکے اللہ نے اپنے کلام میں مبدل منہ کو بھی ------------------------------