ملفوظات حکیم الامت جلد 24 - یونیکوڈ |
کوئی کمال نہیں ۔ آصل کمال راجع بننے میں ہے یعنی اللہ کی طرف رجوع ہونے والا بنے ۔ پھر وہ چاہیں کسی کو مرجع بھی بناویں یا نہ بناویں ۔ دونوں میں خیر ہی خیر ہے جو حالت پیش آ جائے اس پر راضی اور شاکر رہنا چاہیے ۔ ایک انگریز مؤرخ نے کہا کہ ہندوستان میں اسلام کی اشاعت زیادہ تر صوفیاء اور تاجروں کے ذریعہ ہوئی ہے ۔ اجمیر شریف فرمایا کہ اجمیر شریف کی حاضری احمد آباد جاتے ہوئے بمعیت حضرت مولانا خلیل احمد صاحبؒ ہوئی ۔ تو معنوی طور پر شاہانہ دربار معلوم ہوتا تھا ۔ ہر در و دیوار انوار سے معمور نظر آتے تھے ۔ علماء کا باہمی اختلاف رائے مولانا عبد الحق خیر آبادی اور مولانا عبد الحی صاحب لکھنویؒ کے درمیان چند مسائل میں علمی اختلاف تھا ۔ بعض لوگوں نے مولانا عبد الحی صاحبؒ کے سامنے مولانا عبد الحق صاحب کا ذکر برائی سے کیا تو مولانا نے ان کو ڈانٹ کر خاموش کر دیا ۔ حضرت شاہ ولی اللہ کا ارشاد حضرت شاہ صاحبؒ نے فیوض الحرمین میں فرمایا ہے کہ چند چیزوں میں میری طبیعت کے خلاف مجھے حضورؐ نے مجبور فرمایا ۔ ایک یہ کہ مجھے طبعی طور پر حضرت علی کرم اللہ وجہہ کی تفصیل مرغوب تھی ۔ آپ نے شیخین کو ان پر ترجیح دینے کے لئے مجبور فرمایا ۔ دوسرے یہ کہ مجھے تقلید سے طبعا نفرت تھی آپ نے مذاہب اربع سے خروج کو منع فرمایا ۔