تحفہ حرمین شریفین - یونیکوڈ - غیر موافق للمطبوع |
|
طواف کرنے والوں پر اللہ تعالیٰ کی رحمتیں نازل ہونے کا بیانعن ابن عباس رضي الله عنهما قال: قال رسول الله صلي الله عليه وسلم: «ينزل الله كل يوم علي حجاج بيته الحرام عشرين ومائة رحمة ستين للطائفين وأربعين للمصلين وعشرين للناظرين» . رواه البيهقي في شعب الإيمان . (42) ترجمہ: ‘‘حضرت عبداللہ بن عباس رضی اللہ تعالیٰ عنہما سے روایت ہے کہ رسول اللہ صلی اللہ علیہ وسلم نے فرمایا کہ اللہ تعالیٰ ہر روز بیت اللہ کے حج کرنے والوں پر ایک سو بیس رحمتیں نازل فرماتے ہیں (جن میں سے) ساٹھ طواف کرنے والوں کے لیے اور چالیس نماز پڑھنے والوں کے لیے، اور بیس (کعبہ کو) دیکھنے والوں کے لیے۔’’ فائدہ: حدیثِ بالا سے معلوم ہوا کہ مسجدِ حرام میں حاضری بڑی عظیم نعمت ہے کیوں کہ اس مبارک مسجد میں حاضر ہونے والا یا تو طوافِ کعبہ میں مشغول رہے گا، یا نماز پڑھتا رہے گا، یا کعبہ مشرفہ کی طرف دیکھتا رہے گااور ان تینوں حالتوں میں اللہ کی طرف سے رحمتیں اس پر نازل ہوتی رہیں گی، کیا خوش نصیبی کی بات ہے! ۔۔۔۔۔۔۔۔۔۔۔۔۔۔۔۔۔۔(42)شعب الإيمان (رقم٤٠٥١) وحسن الحافظ المنذري والحافظ الدمياطي إسناده. (الترغيب والترهيب (٢/١٤٣) والمتجر الرابح (ص٤١١)