تحفہ حرمین شریفین - یونیکوڈ - غیر موافق للمطبوع |
 |
سوال: اگر پورا یا اکثر طوافِ زیارت جنابت یا حیض ونفاس کی حالت میں کیاتوکیا حکم ہے؟ جواب: صورتِ مذکورہ میں بدنہ یعنی ایک اونٹ یا ایک گائے ذبح کرناواجب ہوگا،اوراگر طوافِ قدوم یاطوافِ وداع یاطوافِ نفل ان حالتوں میں کیاہے تو ایک بکرا ذبح کرنا واجب ہوگا ،اوران سب صورتوںمیں طہارت کے ساتھ اعادہ کرلینے سے کفارہ ساقط ہوجائے گا۔ (غنیۃ ۲۷۴-۲۷۶) اعادہ کے ساتھ توبہ واستغفار بھی کرے۔ سوال: اگر کسی خاتون نے طوافِ زیارت نہ کیااور پھر عمر بھر ادا نہ کرسکی تو یہ خاتون کیا کرے؟ جواب:اس خاتون پرمرض الموت میں ایک بدنہ یعنی اونٹ یاگائے حرم میں ذبح کرانے کی وصیت کرناواجب ہے (احسن الفتاوی ج۴ /۵۳۹) مسائلِ طوافِ وداع سوال: طوافِ وداع کن خواتین پرواجب ہے ؟ جواب: طوافِ وداع آفاقیہ یعنی میقات سے باہرکے رہنے والی خواتین پر واجب ہے خواہ حجِ افراد کیا ہو یا قران یا تمتع ، بشرطیکہ عاقلہ بالغہ ہوں ، اوراہلِ حرم، اہلِ حل، اہلِ میقات اور حائض ، نفساء و مجنونہ اور نابالغہ پر واجب نہیں، اور فائتۃ الحج یعنی جس خاتون کا حج فوت ہوگیا ہو یا محصرہ یعنی جو حج سے روک دی گئی ہو اس پر بھی واجب نہیں ۔ (غنیۃ الناسک :۱۹۰) سوال: ایک خاتون نے طوافِ زیارت کر لیا اور حج کے دیگر افعال بھی ادا کر لئے