روح سلوک |
|
نعت روانہ ہونے کو ہے وہ طیبہ نگر سفینہ میں چشمِ حسرت سے تک رہا ہوں اثرؔ سفینہ سحر ہوئی تو نہ پہنچا طیبہ نگر سفینہ رواں رہا گو کہ خواب میں رات بھر سفینہ سفینے والے غلام ہیں شاہِ بحر و بر کے تو کیوں نہ طوفاں کے ہو مقابل نڈر سفینہ کسی کسی کو نصیب ہوتی ہے راہِ طیبہ وگرنہ پاتا نہیں یہ اعزاز ہر سفینہ تصوراتِ رہِ مدینہ میں ہے یہ عالم خیال دریا ہے فکر رہبر نظر سفینہ رہِ مدینہ سے آشنا ہو گیا نہ جب تک کوئی سفینہ ہوا نہیں معتبر سفینہ خیالِ وصلِ دیارِ محوبِ کبریا میں مریضِ ہجرِ نبی ﷺ کا ہے چارہ گر سفینہ