احتساب قادیانیت جلد نمبر 31 |
 |
بسم اﷲ الرحمن الرحیم! کھینچواں نبی پہلے نبی سارے گویا چمکدے ستارے سن گویا اپنی قوم دی ہدایت لئی سارے سن اک دوجے نالوں چنگے اﷲ دے پیارے سن ٹھنڈک ساڈے دل دی تے اکھیاںدے تارے سن ساریاں تے لیاوناں ایمان ساڈا فرض اے شرط اے ایمان دی تے دین دی ایہہ غرض اے آمدرفت نبیاں دی انج سی جہان تے برجو برجی تارے جویں پھرن آسمان تے آفتاب نکلیا جاں عرب دے میدان تے جھک گئے انوار اوہدے دنیا دے آسمان تے چن تارے سارے اوہدی تاب اگے مات ہوئے آب دار موتی اوہدی آب اگے مات ہوئے غور کرو دوستو گل ایہہ ایمان دی اکو گل کافی سارا جھگڑا مکان دی صبح ویلے لوڑ کاہدی شمع نوں جگان دی سارا جگ جان دا اے لوڑ نہیں سنان دی دن دی روشنائی وجہ دیوا جنہیں بالیا ایمان دا دیوالہ اوہنیں کڈھ کے وکھالیا عالماں نے پھول پھول ویکھیا قرآن وچہ غور خوض کیتا بڑا نبی دے فرمان وچہ کوئی نہیں حدیث نبی ظلی دے بیان وچہ فیر کتھوں جمیا اے نبی ایہہ جہان وچہ