گلدستہ سنت جلد نمبر 1 |
غلط فہمی کا ازالہ : اَلْحَمْدُلِلّٰہ یہ گلدستۂ سنت کا سلسلہ چل رہاہے جس میں کھانے پینے کی بات چل رہی تھی۔ اور اَلْحَمْدُلِلّٰہ یہ بیانات (www.ishqeilahi.com) web site( t پر بھی جارہے ہیں۔اس کے علاوہ یہ فیس بک پر بھی ( Upload) کیے جا رہے ہیں اور Whatssapp پر بھی جارہے ہیں۔ رات کو مجھے ایک خاتون کا پیغام آیا کہ Facebook تو اچھی چیز نہیں ہے وہاں تو اچھی چیز بھی اگر کوئی دیکھنا چاہے تو ساتھ بہت سی خراب غلیظ چیزیں بھی ساتھ ساتھ آتی رہتی ہیں۔ تو میں نے انکو کہا کہ جی آپ نے بالکل بجا فرمایا اور ایک دفعہ نہیں کتنی ہی دفعہ یہ وضاحت کرچکا ہوں کہ یہ Facebook اور یہ باقی چیزیں فقط ان لوگوں کے لیے ہیں جو امت کے بیچارے، بیچارا اس لیے کہہ رہا ہوں اپنے حال سے مجبور ہیں وہ بیچارے Facebook پر اوران چیزوں کے اوپر اپنا وقت لگا رہے ہیں ان کو بھی یہ بات پہنچ جائے ۔باقی یہ بات وضاحت سے کئی دفعہ کی کہ جن کے گھرمیں Internet نہیں ہے تو اللہ تعالی کا شکر ادا کریں اور انکو میرے بیانات کی وجہ سے گھرمیں Internet لگانے کی قطعاً کوئی ضرورت نہیں کہ جی حضرت کا بیان آتا ہے Internet سے سننا ہے۔ ایسا نہ کریں۔ بیان تو آئے گا ہفتے میں دو دفعہ تو باقی پانچ دن روز چوبیس گھنٹے ہر وقت کا Internet ،میں تو اس بات سے خوش نہیں ہونگا۔آپﷺ کے پینے کے برتن : بہرحال ہمارا پانی پینے کا موضوع چل رہا تھا، اس میں ایک اوربڑی پیاری بات آج کرنی ہے کہ نبی کریمﷺ کن چیزوں میں پانی پیا کرتے تھے؟ پانی تو میں بھی پیتا ہوں آپ بھی پیتے ہیں سب پیتے ہیں تو کون سی چیز سنت کے قریب ہے۔