حضرت محمد صلی اللہ علیہ و سلم کا بچپن |
 |
موجودہ اختصار کا مطلب یہ نہیں کہ عدنان کا اولادِ اسمٰعیل میں ہونا کسی لحاظ سے بھی مشکوک ہے، تمام عرب ماہرینِ انساب اس بات پر متفق ہیں کہ’’ عدنان‘‘ بنی اسمٰعیل میں سے تھے۔ اور اہل عرب کا اتفاق اس کے صحیح ہونے کا ناقابل انکار ثبو ت ہے۔ قاضی محمد سلیمان صاحب سلمان منصور پوری پر اللہ تعالیٰ کی ہزاروں رحمتیں ہوں کہ انہوں نے انتہائی محنت اور تلاش سے ان اعتراضات کا شافی جواب دیا ہے جو معاندین نے آنحضور ﷺ کے نسب نامے پر کیے تھے، جبکہ ان کے اعتراضات کا جو انہوں نے حضرت عیسیٰ علیہ السلام کے اس موجودہ نسب نامے پر کیے ہیں (جو عیسائیوں نے لکھا ہے) کوئی مثبت جواب نہ مل سکا، اس لیے مارگو سیل اور سرولیم میور کا یہ کہنا کہ آنحضورﷺ کی عظمت کو دوبالا کرنے کے لیے آپﷺ کا نسب نامہ’’گھڑا گیا‘‘ نہ صرف گمراہ کن ہے بلکہ ان کی علمی خیانت کا پردہ بھی چاک کرتا ہے۔ آپﷺ کا سلسلۂ نسب اس پاکیزہ درخت کی مانند ہے جس کی جڑیں پاتال تک پہنچی ہیں اور شاخیں آسمانِ بسیط میں پھیلی ہیں ۔ اَصْلُھَا ثَابِتٌ وَّفَرْعُھَا فِی السَّمَاء (۱) (جڑیں زمین اور شاخیں آسمان میں ہیں ۔)آپﷺ کا گھرانہ ہی وہ گھرانہ ہے جہاں شرف و مجد کو نئی جہت ملی اور جہاں عزّت و توقیر کو نیا ابعا د حاصل ہوا۔ شَرْفکَ تَامِک وَاقبَالکَ سَامِک آپ ﷺ کا شرف عالی ہے اور آپﷺ کے مقدر کا ستارہ ہم اوجِ ثریا ہے۔(۲) عہدِ اوّل کے مسلمانوں میں چند اسماء گرامی ایسے ہیں جن کے ساتھ علم الانساب کی نسبت معروف تھی وہ حضرات حضور ﷺ کے نسبمیں کہیں جھول دیکھتے تو اسلام کی طرف مائل نہ ہوتے۔جن کا ذکر آگے آرہا ہے۔(۳) ---------------------- (۱) ابراہیم :۲۴ (۲) اصول سیرت نگاری ص ۲۸۴