خطبات دعوت ۔ مجموعہ بیانات ۔ حضرت مولانا احمد لاٹ صاحب |
|
عَنْ عُمْرِہٖ فِیْمَا اَفْنَاہٗ ۔۔۔۔۔۔۔۔۔۔۔۔۔ بتاؤ زندگی کہاں گذاری؟ عَنْ شَبَابِہِ فِیْمَا اَبْلاہٗ ۔۔۔۔۔۔۔۔۔۔۔۔ جوانی کہاں بتائی؟ عَنْ مَالِہٖ مِنْ اَیْنَ اِکْتَسبَہٗ ۔۔۔۔۔۔۔۔ مال کہاں سے کمایا؟کمائیوں کی لائن بتاؤ؟ وَفِیْمَا اَنْفَقَہٗ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔خرچ کہاں کیا، خرچ کی لائن بتاؤ؟ مَاذَا عَمِلَ بِمَاعَلِمَ۔۔۔۔۔۔۔۔۔۔۔۔۔۔ جو جانتے تھے اس پر کیا عمل کیا؟ وہ جتنی آخرت بیان کی ہے ان میں کوئی چیز اس وقت نظر نہیں آتی……انسان پہلے نمبر کا جانور اسی لئے آدمی دنیا کے سامانوں کو… دنیا کی چیزوں کو… دنیا کے عہدوں کو … دنیا کی زمینوں کو … دنیا کی جاگیر و جائدادوں کو … سامنے رکھ کر جب اپنا عمل بگاڑتا ہے… اور خواہشات کی رو میں بہہ کر اندھا اور بہرا ہوجاتا ہے …وہ اپنے آپ کو جانوروں کی صف میں لاکر کھڑا کردیتا ہے … ایسا جانور کہ جسے خود غرضی میں۔ برابر کی بندھی ہوئی بکری کی بھوک…برابر کی بندھی ہوئی بھینس کی پیاس … اس کے بچے کی بیماری… اس سے کوئی پرواہ نہیں بس مجھے میرا چارہ مل جائے … میرا دانہ مل جائے … میں جگالی لیتا رہوں … کوئی مرے مرے… جئے جئے … ملے ملے… نہ ملے نہ ملے… یہ تو جانوروں کی بات ہے۔ جب انسان صرف دنیا کی چیزوں کو سامنے رکھ کر اپنے آپ کو چلاتا ہے …گھر میں … معاشرہ میں… کاروبار میں… اجتماع میں… انفراد میں … اور اس کے سامنے صرف دنیا ہی ہوتی ہے۔