Deobandi Books

قریب عربی زبان ہے اوراس کی مثال پیش فرمائی مثلاً نیزہ مارنے کے لئے عربی میں طعن کا لفظ آتا ہے در اصل نیزہ چلانے اور مارنے کے وقت اس کی فطری آواز کا صوتی انداز ہے اس لئے کہ جب نیزہ حرکت کرتا ہے تو طعن طعن کی آواز سنائی دیتی ہے بندہ بعد عصر حضرتؒ کی مجلس میں حاضری دیتا تھا ماشاء اللہ حاضرین کے جانب سے سوالات اور حضرت کے جوابات سننے والے اپنے دامن میں کیسا کیسا موتی سمیٹتے تھے ایک موقع پر بندہ نے سوال پیش کیا کہ امت کا اجماعی مسئلہ ہے کہ روضۂ اطہر عرش سے افضل ہے مگر اس کی وجہ کیا ہے؟ یہ ایک مشکل سوال ہے حضرتؒ نے ـفی البدیہ جواب عنایت فرمایا کہ ظاہر ہے کہ عرش پر اللہ کی تجلی ہے مگر وہ تجلی غیر مدرک ہے اور قلب اطہر نبوی پر بھی تجلی ہے اور وہ مدرک ہے اور بلا شبہ مدرک غیر مدرک سے افضل ہے اور وہ جسم جو ایسے قلب کا حامل ہے وہ بھی اس قلب کی طرح افضل اور جو بقعۂ زمین اس جسم افضل سے متصل ہے وہ بھی اتصال کی بناء پر افضل ہے پس ثابت ہوگیا کہ روضۂ اطہر عرش سے افضل ہے لیجئے ایک ایسا مسئلہ جو لا ینحل نظر آرہا تھا حضرتؒ نے چٹکی میں حل فرمادیا یہی تو وجہ ہے کہ بندہ جب ایک موقع پر حضرت مولانا مسیح اللہ صاحب رحمۃ اللہ علیہ کی مجلس میں حاضر تھا اور حضرت حکیم الاسلامؒ کا ذکر خیر آیا تو فرمایا کہ حضرت تھانویؒ حکیم الامت تھے تمام امت کے علوم کو پیش فرمایا امت اجابت ہو یا امت دعوت اور مولانا محمد طیب صاحبؒ نے اسلام کے تمام مسائل علمیہ اور اسرارشرعیہ کو حل فرمایا اس لئے حکیم الاسلام کے لقب سے انھیں یاد رکھا گیا اس طرح بندہ دارالعلوم دیوبند کی جانب سے آگرہ گیا ہوا تھا وہاں الہ آباد سے ایک بزرگ قاری حبیب صاحبؒ جو ڈاکٹر عیسی صاحبؒ (جو کہ حضرت تھانویؒ کے اولین خلفاء میں شمار کئے جاتے ہیں ) کے خلیفہ تھے تشریف فرماتھے انھوں نے حضرت حضرت حکیم الاسلامؒ  صاحب کے سلسلہ میں ایک واقعہ بیان فرمایا کہ جب حضرت تھانویؒ علاج کے سلسلہ میں لکھنؤ تشریف لے گئے اور حضرت کی قیام گاہ علماء اور مشائخ کا پرکشش بنی ہوئی تھی اور حضرت حکیم الاسلامؒ بھی وہاں موجود تھے تو ایک موقع پر حضرت تھانویؒ کے سامنے جہاں یہ بندہ (قاری حبیبؒ) بھی موجود تھا تمام علماء اور مشائخ نے حضرت تھانویؒ سے یہ کہا کہ ہم سب حضرت حکیم الاسلامؒ سے درخواست کررہے ہیں کہ تقریر فرمائیں مگر وہ انکار کر رہے ہیں آپ حکم دیدیجئے کہ وہ تقریر کریں تو حضرت تھانویؒ حکیم الاسلامؒ مولانا محمدطیب کے سامنے فرمایا کہ میں بھی درخواست کرتا ہوں کہ تقریر فرمائیں اس جملہ پر حضرت حکیم الاسلامؒ بیٹھے ہوئے پورے طور پر حضرت کی جانب اپنے کو جھکالیا اور اس طرح خلیفۂ شیخ نے شیخ کی اطاعت کا اظہار کیا ۔
وزیرے چنیں شہر یار ے چنیں