پوچھا تو انہوں نے کہا کہ :
انما معنی الحدیث اذا روی الرجل حدیثا و لا یعرف لذلک الحدیث عن النبی ﷺ اصل فحدث بہ فاخاف ان یکون قد دخل فی ھذا الحدیث۔
( ترمذی باب فیمن روی حدیثا وھو یری انہ کذب)
’’حدیث کا مطلب یہ ہے کہ کوئی آدمی کسی حدیث کو بیان کرے اور اس حدیث کی کوئی اصل معروف نہ ہو پھر بھی اس کو بیان کرے تو مجھے خوف ہے کہ وہ اس حدیث کی وعید میں داخل ہوگا‘‘ ۔
حاصل یہ کہ کسی کلام کو حدیث کہنے کے لئے کوئی بنیاد ضروری ہے ، اور بنیاد وہ جو علم حدیث میں معتبر ہو ،جس حدیث کی کوئی سند معلوم نہ ہو ، اور نہ متقدمین کی مستند کتابوں میں سے کسی کتاب میں مذکور ہوتو اس صورت میں اس کو حدیث کہنا اور حدیث کہہ کر بیان کرنا احادیث اور اقوال علماء کی روشنی میں درست نہیں ہے ، بلکہ کفی بالمرأ اثماان یحدث بکل ما سمع کے بہ موجب وہ گنہگار ہوگا ، اور رسول اللہ اکے اس حکم ’’حدیث وہی بیان کرو جن کا حدیث ہونا تم کو معلوم ہو ‘‘کی خلاف ورزی ہوگی۔
حفاظ حدیث کے بے اصل کہنے پر وضع کا حکم
اگر کوئی حافظ حدیث کسی حدیث کے بارے میں کہے کہ مجھے یہ روایت نہیں ملی تو اس روایت پر موضوع ہونے کا حکم لگایا جائے گا، مثلاکسی حافظ حدیث نے کسی کتاب کی
