Deobandi Books

مثلا کچھ لوگ اپنے شیخ کی خدمت میں بیٹھے ہوں اور کوئی دوسرے بزرگ آجائیں اور لوگ اٹھ کر ان سے مصافحہ کرنے کیلئے چلے جائیں تو اس میں کچھ حرج نہیں دوسری بات یہ ہے کہ جبہ شریف تو کبھی کبھی آجاتا ہے اس کا یہ احترام ہم کرسکتے ہیں اور قرآن مجید کا اس قدر احترام نہیں کرسکتے کیونکہ وہ ہمارے پاس ہر وقت موجود ہے ۔ 
( ملفوظ 229 ) قرآن مجید کی فصاحت وبلاغت طاقت بشری سے خارج ہے : 
فرمایا کہ ایک مشہور ادیب نے آجکل عربی زبان بگڑ جانے کی یہ حکمت بیان کی کہ چونکہ ترقی کا زمانہ ہے اگر عربی زبان کی فصاحت وبلاغت بھی ترقی تو قرآن مجید کی  فصاحت وبلاغت کا اعجاز باقی نہ رہتا اس لئے اللہ پاک نے ( نعوذ باللہ منہ ) زبان عربی کی فصاحت وبلاغت کی ترقی کو مسدد فرمایا ۔ 
حضرت اقدس نے فرمایا کہ اگر بے شمار قیامتیں بھی ہو جائیں اور عربی زبان چاہیے جتنی ترقی کرے مگر قرآن مجید کی فصاحت وبلاغت اس درجہ کی ہے کہ طاقت بشر یہ سے خارج نہ یہ کہ وہ ترقی کرکے قرآن کی بلاغت وفصاحت تک پہنچے ۔ معزرہ کے تو یہی معنی ہیں کہ وہ بات طاقت بشری سے خارج ہو ۔ 
( ملفوظ 230 ) جس امر میں شرعا گنجائش ہو اس سے سختی نہیں منع کرنا چاہئے : 
فرمایا کہ جس امر میں شرعا گنجائش ہو اس کے صدور سے دوسرے شخص کو سختی کے ساتھ اجتناب کا حکم کرنا یہ آداب احتساب کے خلاف ہے لطف سے بھی تو یہ کام ہوسکتا ہے مگر اس بات کا خیال کرنا اور اس پر عمل کرنا بڑے متبحر عالم کاکام ہے ۔ 
17 ربیع الثانی 1335ھ بروز شنبہ 
( ملفوظ 231 ) حضرت گنج مراد آبادی رحمت اللہ کا موت سے ڈرنا : فرمایا کہ ایک مرتبہ شاہ فضل الرحمٰن صاحب رحمت اللہ فرماتے تھے کہ میں بیمار ہوا اور ڈرا کہ