زائد بھی ہو گئے ہوں۔
راویوں کے حالات کے اعتبار سے خبر واحد کی مختلف قسموں میں سے چند یہ ہیں:
صحیح : وہ حدیث ہے جس کے تمام راوی عادل (جھوٹ اور منہیات شرعیہ سے بچے ہوئے )اور تام الضبط (قوی یاد داشت والے) ہوں اورسند میں اتصال ہو (کہ ہر راوی دوسرے راوی سے ملا ہوا ہو) اوروہ شاذ نہ ہو( یعنی اس حدیث کی مخالفت اس سے زیادہ معتمد راوی نہ کرتا ہو)
حسن : وہ حدیث ہے جس کے تمام راوی عادل ہوں سند میں اتصال ہو اور حدیث شاذ نہ ہو یہ ساری شرطیں تو صحیح کی موجود ہوں، البتہ اس کا کوئی راوی تام الضبط نہ ہو بلکہ خفیف الضبط ہو یعنی یاد داشت میں کچھ کمی ہو۔
ضعیف : وہ حدیث جس میں صحیح اور حسن کے شرائط نہ پائے جائیں۔
منکر : جس کا راوی ضعیف ہو اور ثقہ راویوں کی مخالفت کرتا ہو۔
ایک قول یہ ہے کہ جس کا راوی فاسق ہو یا اس سے غلطیاں بہت ہوتی ہوں یا جو احادیث یاد کرنے میں اکثرغفلت برتتاہواگرچہ ثقہ راویوں کی مخالفت نہ کرتاہو۔
متروک: وہ حدیث ہے جس کے راوی پر جھوٹ کی تہمت لگی ہو۔
موضوع: وہ حدیث ہے جس کا راوی حدیث میں جھوٹ بولنے والا ہو۔
مزید چند اصطلاحات حدیث:
مرفوع : وہ حدیث جس میں حضور اقدس ا کے قول یا عمل کو بیان کیا گیا ہو۔
موقوف:وہ حدیث جس میں کسی صحابی کے قول یا عمل کو بیان کیا گیا ہو۔