مسئلہ :عمرہ کے کسی واجب کے ترک کرنے سے بدنہ یا صدقہ واجب نہیں ہوتا بلکہ صرف دم (یعنی صرف ایک بکری یا ساتھواںحصہ گائے یا اونٹ کا )واجب ہوتا ہے لیکن عمرہ کے احرام میں ممنوعات احرام کے ارتکاب سے مثل احرام حج کے صدقہ واجب ہوتا ہے ۔
مسئلہ: ؎۲طواف زیارت کے ایک یا دو یا تین چکر چھوڑنے سے دم واجب ہوگا لیکن اگر طواف وداع ایام نحر میں کر لیا تو طواف زیارت کو طواف دواع سے پورا کریں گے اور دم ساقط ہوجائے گا اور طواف وداع کے نقصان کو پورا کرنے کیلئے ہر پھیرے کے بدلے میں صدقہ یعنی نصف ساع دینا ہوگا اور ایامم نحر کے بعد طواف وداع کیا تو تو بھی طواف زیارت کو پورا کرینگے لیکن طواف فرض کے چکروں کو ایام نحر سے مئوخر کرنے کی وجہ سے ہر پھیرے کے بدلے میں پورا صدقہ دینا ہوگا اور طواف وداع کے چکر چھوٹ جانے کی وھجہ سے دوسر صدقہ اور دینا ہو ۔
مسئلہ:اگر طواف زیارت کے چار چکر یا پورا طواف چھوڑ دیا تو ساری عمر عورت حلال نہ ہوگی اور عورت کے حق میں احرام باقی رہے گا اور اسی احرام سے آکر طواف کرنا ہوگا بدل دینا کافی نہ ہوگا جب ادا کریگا اس وقت عورت حلال ہوگی اور اس حالت میں اگر جماع کریگا تو ہر جماع کے بدلے مجلس مختلف ہونے کی صورت میں ایک دم واجب ہوگا ۔
مسئلہ: اگر طواف قدوم یا طواف وداع کا ایک چکر یا دو تین چکر ترک کئے تو ہر چکر کے بدلے پورا چکر واجب ہوگا اور طواف قدوم بلکل چھوڑنے کی وجہ سے کچھ واجب نہ ہوگا لیکن چھوڑنا مکروہ اور برا ہے ۔
مسئلہ: ؎۳ اگر پوری سعی ا اکثر چکر سعی کے بلا عذر ترک کئے تو حج ہوگیا لیکن دم واجب ہوگا اور پیدل اعاقدہ کرنے سے دم ساقط ہوجائے گا اور اگر عذر کی وجہ سے ترک کیا یا سوار ہوکر کیاتو کچھ واجب نہ ہوگا اور اگر بلا عذر ایک یا تین چکر سعی کے چھوڑ دئے یا سوار ہو کر کئے تو ہر چکر کے بدلے صدقہ لا زم ہو گا ۔
مسئلہ: ؎۴ اگر عرفہ سے گروب سے پہلے نکل گیا تو دم واجب ہوگا ۔اگر چہ بھاگے ہوئے اونٹ کو پکڑنے کیلئے نکلا ہو البتہ اگر غروب سے پہلے رعفہ میں واپس آگیا تو دم ساقط ہوجائے گا اور اگر غروب کے بعد آیا تو دم ساقط نہ ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
؎۱۔ طواف عمرہ جنابت وغیرہ کرنا ؎۲۔ طواف زیارت وغیر کے کچھ چکر چھوڑدینا یا سارا چھوڑنا۔
؎۳۔واجب سعی کو چھوڑنا ۔ ؎۴۔ عرفہ سے غروب سے پہلے نکلنا وقوف مزدلفہ ترک کرنا ۔۱۲
مسئلہ:اگر وقوف مزدلفہ بلا عذر ترک کیا تو دم واجب ہوگا اور اگر عذر کی وجہ
