سے ترک کیا یا عورت نے ہجوم کے خوف سے ترک کیا تو کچھ واجب نہ ہوگا ۔
مسئلہ: ؎۱ اگر چاروں دن کی رمی بلکل ترک کر دے یا ایک روز کی ساری ترک کر دے اگر چہ دسویں تاریخ ہی کی ہو یا اکثر کنکریاں ایک روز کی رمی کی ترک کر دے مثلا دسویں کی رلی سے چار کنکریاں یا گیارہ کنکریاں دونوں کی رمی سے ترک کر دے تو سب صورتوں میں دم واجب ہوگا اور اگر ایک کی رمی سے تھوڑی کنکریاں ترک کردے جیسا کہ تین یا اس سے کم دسویں کو یا دس یا اس سے کم اور دنوں میں تو ہر کنکر کے بدلے پورا صدقہ واجب ہو گا البتہ مجموعہ دم کے برابر ہوجائے تو کچھ کم کردے ۔
مسئلہ:؎۲اگر عمرہ کے احرام سے حلال ہونے کیلئے حرم سے باہر سر منڈایا یا حج کے احرام سے حلال ہونے کیلئے حرم سے باہر ایام نحر میں سر منڈایا تو دم واجب ہوگا اور اگرحج میں خارج حرم ایام نحر کے بعد سر منڈایا تو دو دم واجب؎۳ ہونگے ایک حرم سے خارج سر منڈانے کا اور دوسرا تاخیر کا ۔
مسئلہ:عمرہ کرنے والا یا حج کرنے والااگر حد حرم سے نکل جائے اور پھر حرم میں واپس آکر سر منڈائے تو کچھ واجب نہ ہوگا لیکن اگر حاجی ایام نحر کے بعد حرم میں آکر سر منڈائے تو ایک دم تاخیر کا واجب ہوگا ۔
مسئلہ:اگر مفرد یا قارن نے یا متمتع نے رمی سے پہلے سر منڈایا یا قارن یا متمتع نے ذبح سے پہلے سر منڈایا یا قارن اور متمتع نے رمی سے پہلے ذبح کیا تو دم واجب ہوگا کیونکہ ان چیزوں میں ترتیب واجب ہے مفرد کیلئے صرف رمی اور سر منڈانے میں ترتیب واجب ہے کیونکہ ذبح اس پر واجب نہیں اور قارن اور متمتع کو تینوں (یعنی رمی اور ذبح اور سر منڈانا )میں ترتیب واجب ہے اول رمی کرے اس کے بعد ذبح کرے اس کے بعد سر منڈائے اگر تقدیم یا تاخٰر کی تو دم واجب ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
؎۱۔واجبات رمی ترک کرنا حرم سے باہپر سر منڈانا۔؎۲ ھذا عند الامام مفرداکا ن الحاج او غیرہ ۔؎۳ ۔دم
