میں ہو یا جاگنے کی خوشی سے ہو یا زبر دستی سے عذر سے ہو یا بلا عذر سے قصدا ہو یا بھول کر انزال ہو یا نہ ہو وقوف عرفہ سے پہلے یہ فعل کیا تو حج فاسد ہوگیا اور دم واجب ہوگیا اگر عورت اور مرد دونوں محرم تھے تو دونوں پر ایک ایک دم واجب ہوگا اور بکری کافی ہوگی اور باقی افعال حج کے مثل ادا کرنے ہونگے اور ممنوعات احرام سے بچنا ضروری ہوگا اگر کوئی جنایت ہو جائے گی تو اس کا کفارہ واجب ہوگا اور آئندہ سال حج کی قضاء واجب ہوگی اگرچہ حج نفل ہی ہو اور بلا افعال حج کے ادا کئے احرام سے نہیں نکلے گا آئندہ سال قضاء میں زوجہ سے جدا ہونا واجب نہیں لیکن اگر جماع میں مبتلاء ہونے کا خوف ہو تو احرام کے وقت سے علیحدہ ہوجانا مستحب ہے ۔
مسئلہ:اگر وقوف عرفات کے بعد سر منڈانے اور طواف زیارت کرنے سے پہلے جماع کیا تو حج فاسد نہیں ہوا لیکن اس پر بدنہ (یعنی ایک اونٹ یا گائے)کی قربانی واجب ہوگی بکری کافی نہ ہوگی ۔
مسئلہ:اگر سر منڈوانے کے بعد طواف زیارت سے پہلے یا طواف زیارت کے بعد سر منڈوانے سے پہلے جماع کیا تو بکری واجب ہوگی اور حج فاسد نہ ہوگا ۔
مسئلہ:طواف اور سر منڈوانے کے بعد جماع کرنے سے کچھ واجب نہ ہوگا ۔
مسئلہ:سر منڈانے اور طواف کرنے سے پہلے جماع کیا اس کے بعد پھر جماع کیا اور دوسرے جماع سے احرام سے حلال ہونے کی نیت نہیں تھی تو اگر ایک ہی مجلس میں دوبارہ جماع کیا تو ایک بدنہ واجب ہوگا اور اگر دو مجلسوں میں کیا تو اول جماع کی وجہ سے ایک ندنہ اور دوسرے کیلئے ایک بکری واجب ہوگی اور اگر دوسرا جماع احرام سے نکلنے کیلئے کیا تھا تو صرف ایک بدنہ واجب ہوگا اگرچہ مختلف مجالس میں جماع ؎۱کیا ہو ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ جبکہ فاعل اپنے زعم میں جانتا ہو کہ اس قصد سے میں احرام سے خارج ہو چکا ہو ورنہ دم بھی لازم ہوگا انما تعتبر مما زعم انخرج منہ بحرملۃ عدم الخروج اما من علم انہ لا یخرج منہ رزالمقصد فانہا لا تعتبر منہ ارشاد الساری ۱۲ شیر محمد
مسئلہ:اگر وقوف عرفہ سے پہلے ایک عورت سے یا پندرہ عورتوں سے جماع کیا تو ایک دم واجب ہوگا اور اگر کئی مجلسوںمیں عورت یا کئی عورتوں سے جماع کیا تو ہر مجلس کیلئے ایک دم واجب ہوگا ۔
مسئلہ:اگر قارن نے طواف یا وقوف عرفہ سے پہلے جماع کیا تو حج اور عمرہ دونوں فاسد ہونے کی وجہ سے لازم ہوگئے ساور اس وقت بھی حج اور عمرہ دونوں کے افعال پورے کرنے لازم ہونگے ۔
مسئلہ: اگر قارن سے طواف عمرہ اور وقوف عرفہ کے بعد سر منڈانے اور طواف زیارت کرنے سے پہلے جماع کیا تو حج اور عمرہ فاسد نہیں ہوا لیکن ایک بدنہ اور ایک بکری واجب ہوگئی اور دم قران بھی دینا ہوگا ۔
