ارشادات درد دل |
ہم نوٹ : |
 |
قُلۡ لِّلۡمُؤۡمِنِیۡنَ یَغُضُّوۡا مِنۡ اَبۡصَارِہِمۡ وَ یَحۡفَظُوۡا فُرُوۡجَہُمۡ اور عورتوں کے لیے بھی یہ ہے: قُلۡ لِّلۡمُؤۡمِنٰتِ یَغۡضُضۡنَ مِنۡ اَبۡصَارِہِنَّ ؎ تو نظروں کی حفاظت کا حکم عورتوں کے لیے بھی ہے اور مردوں کے لیے بھی ہے، یہ تو قرآن شریف کا حکم ہوگیا، جو لوگ یہ کہتے ہیں کہ دکھاؤ!قرآن میں کہاں ہے تو دیکھو بھئی! قرآن ہی میں ہے۔ بخاری شریف کی حدیث ہے کہ آنکھوں کا زِنا ہے نظر بازی۔ بخاری شریف کی حدیث سب سے مضبوط مانی جاتی ہے، زِنَا الْعَیْنِ النَّظَرُ کسی کی بہو، کسی کی بیٹی، کسی کی بہن، کسی کی خالہ، کسی کی پھوپھی کو دیکھنا یہ آنکھوں کا زِنا ہے۔ کیا آنکھوں کا زِنا کرنے والے کا ولی اﷲ بننے کا خواب پورا ہوگا؟ ہم لوگ بھی تو چاہتے ہیں کہ ہماری بیوی، ہماری بہن، ہماری ماں، ہماری بیٹی کو کوئی بری نظر سے نہ دیکھے اور نا محرم کو بری نظر ہی سے دیکھتا ہے، کیا کوئی اچھی نظر سے دیکھتا ہے؟ جب دیکھے گا تو آدمی کی نظر بری تو ہو ہی جائے گی، اس لیےجو ہم اپنی بہو، بیٹی، بہن، خالہ، پھوپھی اور والدہ کے بارے میں چاہتے ہیں کہ ہماری بہن کو، ہماری بیوی کو، ہماری ماں کو کوئی نہ دیکھے وہی قانون اﷲ تعالیٰ نے نازل کردیا، بالکل عین فطرت کے مطابق، اس میں کسی کو تنگی معلوم ہو تو یہ اس کا قصور ہے۔ آنکھ بچانے میں بہت سکون ہے، اﷲ حلاوتِ ایمانی دیتا ہے، حلاوتِ بصارت لے کر حلاوتِ بصیرت دیتا ہے، حلاوتِ ایمانی کیا چیز ہے؟ اﷲ کا قرب، اﷲ کے تعلق کی مٹھاس۔ مشکوٰۃ شریف میں ہے:لَعَنَ اللہُ النَّاظِرَ وَالْمَنْظُوْرَ اِلَیْہِ اﷲ تعالیٰ لعنت فرماتے ہیں بدنظری کرنے والے پر اور جو بدنظری کرانے والی ننگی پھرتی ہیں، لعنت کے معنیٰ کیا ہیں؟اَلْبُعْدُ عَنِ الرَّحْمَۃِ اﷲ کی رحمت سے دوری، بتاؤ! پھر ہماری حفاظت کیا چیز کرے گی ۔ بدنظری کرکے اِلَّا مَا رَحِمَ رَبِّیۡ کا سایہ تو تم نے اُتار کر پھینکا ہے، اپنی آنکھوں کو حرام کاری میں مبتلا کر کے کیوں دیکھا تم نے، جب دیکھا تو دل تڑپ گیا، اُس کے اوپر آگیا، اب اس کے لیے بے چین ہو، بے چینی تو تم نے خود مول ------------------------------