سفر نامہ حرمین شریفین |
ہم نوٹ : |
 |
کا ظہور ہونے والا ہے جس پر انتہائی خوشی ہوئی اور آنکھ کھلنے پر اذان فجر کی آوازیں سنائی دے رہی تھیں۔ ان کے علاوہ اور بھی بہت مبشرات ہیں جن کو تحریر کرنے کا یہ موقع نہیں کیوں کہ مضمون طویل ہو جائے گا ۔خانقاہ امدادیہ اشرفیہ گلشن اقبال کراچی کی بنیاد حضرت اقدس دامت برکاتہم العالیہ کا کراچی میں قیام پہلے ناظم آباد میں تھا پھر حضرت شاہ ابرار الحق صاحب رحمۃ ا للہ علیہ کے حکم سے گلشن اقبال کراچی میں خانقاہ امدادیہ اشرفیہ کی بنیاد رکھی اور ناظم آباد سے گلشن اقبال منتقل ہو گئے، بعد میں اسی خانقاہ میں مدرسہ اشرف المدارس اور مسجد اشرف تعمیر کی گئی۔الحمدللہ! آج یہ خانقاہ پورے عالم کا مرکز ہےاور متوسلین اور طالبین افریقہ ، امریکا ، برطانیہ ، فرانس ، جرمنی، برما ، بنگلہ دیش ، انڈیا،افغانستان، ایران، کینیڈا ، سعودی عرب ، عرب امارات وغیرہ سے اور پاکستان کے مختلف علاقوں سے اصلاح و تزکیہ کے لیے حاضر ہوتے ہیں اور حضرت کی صحبت وارشاداتِ عالیہ سے مستفید ہوکر فائز الحرام واپس ہوتے ہیں،خصوصاً بڑے بڑے اہل علم پورے عالَم سے حضرت اقدس مد ظلہ سے منسلک ہو کر علم حقیقی اور کیفیاتِ احسانیہ کے ساتھ اپنے قلوب کو منور کرتے ہیں ۔ اس خانقاہ کی ایک شاخ سندھ بلوچ سوسائٹی کراچی میں قائم کی گئی ہے، جہاں ہر اتوار کو فجر کے بعد حضرت اقدس دامت برکاتہم العالیہ کا بیان ہوتا ہے اور گاہے گاہے حضرت اقدس دامت برکاتہم العالیہ وہاں چند روز کے لیے سالکین کے ہمراہ قیام بھی فرماتے ہیں وہیں ایک نہایت وسیع اور خوبصورت مسجد سات آٹھ سال پہلے تعمیر ہوچکی ہے اور اب ایک جامعہ اشرف المدارس کے نام سے اور ایک مدرسۃالبنات زیر تعمیر ہے۔ اللہ تعالیٰ تعمیر کاغیب سے سامان فرما کر حضرت والا کو مسرور فرمادے اور قیامت تک صدقہ جاریہ بنائے(آمین ) الحمدللہ! اب دونوں ادارے تعمیر شدہ ہیں، بلکہ کثرتِ شائقینِ علم کی وجہ سے ان کی توسیع کی جارہی ہے۔