یاد رہے کہ میں نے کوئی بات کچی۱؎ نہیںلکھی۔مجھے قسم ہے اﷲ کی کہ میں ایسا کروں گا اور خدا تعالیٰ میرے ساتھ ہے جس دن نکاح ہوگا۔ اس دن عزت بی بی کا نکاح جاتا رہے گا۔ الراقم غلام احمد لودہیانہ اقبال گنج ۴؍مئی ۱۸۹۱ء
اب ناظرین خدا سے ڈر کر انصاف کریں کہ ایسا شخص نفس پرست اور شہوت کا مرید کیا مامور من اﷲ یامسیح موعود یا امام الزمان یا حضرت عیسیٰ علیہ السلام یا امام حسینؓ سے افضل ہوسکتا ہے؟ کہ جس کو بیگانی لڑکی کی خوبصورتی دیکھنے سے شہوت نے ایسا مغلوب اور پریشان کیا کہ ناحق کئی دفعہ جھوٹے الہاموں سے لڑکی کے والدین وغیرہ کو اﷲ کی جھوٹی قسمیں کھا کھا کر ڈرایا اور یہاں تک نوبت پہنچا دی کہ اپنے لڑکے فضل احمد کو ڈرایا اور دھمکایا کہ اگر مرزا احمد بیگ اپنی لڑکی کا نکاح میرے سوا کسی اور شخص کے ساتھ کرے تو تم اسی وقت اپنی عورت کو طلاق دے دینا اور اگر تو طلاق نہ دے گا تو تجھ کو عاق اور لاوارث کردوں گا۔
اہل انصاف کی خدمت میں دوبارہ عرض کرتاہوں کہ اگر مرزا قادیانی کو خدا وند تعالیٰ نے کہہ دیا تھا کہ میں نے تیرا عقد نکاح مرزا احمد بیگ کی لڑکی سے آسمان پر باندھ دیا ہے تو پھر ایسے خط پر خط بھیج کر اس کے والدین وغیرہ کو ڈرانا اور منع کرنا کہ اس کی شادی کسی اور سے نہ کرو ورنہ نقصان اٹھاؤ گے۔ کیاضرورت تھی؟ شاید مرزا قادیانی کو اپنے عاجی خدا کے الہاموں پر بھی پورا پورا بھروسہ اوریقین نہیں تھا۔ یا الہام ہی یقینا بناوٹی تھا۔ اس واسطے کہ جس عورت کا عقد نکاح خدا وند احکم الحاکمین نے مرزا غلام احمد سے باندھ دیا تھا تو کسی اور شخص کی کیا مجال تھی کہ اس کو شادی کر کے گھر میں لے جاتا اور پھر تعجب تر تو یہ بات ہے کہ شادی کرنے والے کو وہی خدا جس نے مرزا کا عقد نکاح باندھا تھا اڑھائی سال کی اندر مر جانے کا حکم صادر فرمادیا اور بقول مرزا قادیانی وہی خدا شادی کرنے والے کو توبہ کرنے کے باعث میعاد مقررہ کی اندرنہ مارے، بعیداز قیاس ہے
۱؎ نہیں صاحب نہیں۔ بے گناہ اپنی بہو کے لئے طلاق کا تجویز کرنا اور بے گناہ لڑکے کو عاق اور لاوارث کرنے کے لئے خدا کی قسم جھوٹی کھانا یہ سب کچھ اپنی نفسانی کو پورا کرنے کے لئے حیلہ سازی کرنا ہرگز ہرگز کچی بات نہیں ہے۔ بلکہ پختہ ہے لیکن آپ نے اپنے لڑکے کو عاق اور لاوارث کیا اور نہ بہو کو طلاق دلوائی۔ اس واسطے کچھ کچی ہوگئی کہ مرزا احمد بیگ نے تو اپنی بیٹی کا نکاح اور شخص سے کردیا۔ مگر عزت بی بی کا نکاح اب تک باقی کا باقی۔ شاید مسیح موعود کے لئے نہیں ہوگا درست پورا کرنا قسم کا۔
