جی! اپنے گریبان میں منہ ڈالو ۔آپ کو کیا استحقاق ہے مسیحیت سے؟آپ کے دوست اورامان پر مرید حتیٰ کہ رشتہ دار جو کئی سال سے آپ کے جان فدا دومرضوں میںمبتلا ہیں۔ایک تو ان کا پاؤں نہیں چلتا۔دوسرا ایک آنکھ کی بصارت نہیں۔ جناب سے اتنے عرصہ میں ایک مرض بھی رفع نہ ہوئی۔پھر افسوس ہے آپ کے دعویٰ مسیحیت پراب آپ کو مناسب ہے کہ نفس امارہ کے برخلاف چلیں اوراپنی غلطیوں کا اقرار کر کے مشتہر کریں ۔میں صرف آپ کے دوزخ کے بچاؤ کے لئے کہتا ہوں ۔دیکھیں اللہ تعالیٰ ایسے لوگوں کے حق میں کیا فرماتا ہے۔ ’’ویل لکل افاک اثیم۰ یسمع ایات اﷲ تتلیٰ علیہ ثم یصر مستکبرا کأن لم یسمعہا فبشرہ بعذاب الیم(الجاثیہ:۷،۸)‘‘ ’’ویل یومئذ للمکذبین‘‘
خود غرضی دوم… دعویٰ مہدویت مرزاقادیانی میں تین سوال پیدا ہوئے ہیں۔ اوّل اس وقت تین مدعی مہدی اوربھی سنے جاتے ہیں۔ مہدی سوڈان۔مہدی کابل۔ مہدی کوئٹہ۔ چوتھا دعویٰ جناب کا ہے۔ نہ معلوم آپ سچے ہیں یا وہ۔ دوم ۔ مرزا قادیانی کے معاًچار دعوے ہیں۔ مسیحیت۔ مہدویت ۔ امامیت۔ مجددیت۔ لیکن اس سے پہلے کسی نبی اوررسول نے نہیں کئے۔ سوم مرزا قادیانی کا بروزی طور پر رسولی دعوے بھی ہے اورساتھ ہی قرآن شریف کا حوالہ دیتے ہیں ۔ دیکھو:’’ ومبشرا برسول یاتی من بعد اسمہ احمد‘‘ اسم احمد سے مرزاقادیانی اپنا اسم مبارک نکالتے ہیں۔ لیکن اس میں مرزاقادیانی نے تین غلطیاں کی ہیں۔ اوّل یہ کہ مرزاقادیانی کا نام غلام احمد ہے نہ کہ احمد۔ دوم مرزاقادیانی نے ماقبل اورمابعد آیت کا چھوڑ دیااس لئے کہ دعویٰ میں نقص آتا تھا۔ ناظرین پر مخفی نہ رہے کہ یہ بحث جو ہم بیان کر رہے ہیں۔سورۃ الصف پارہ ۔۲۸ میں مذکور ہے۔شروع سورۃ ہذا میں پروردگار مسلمانوں کو فرماتا ہے کہ جو بات تم نہیں جانتے اس کا دعویٰ نہ کرو۔ دعویٰ کرنا بہت بری بات ہے نزدیک اللہ کے۔ اوربعد اس کے پروردگار نے قوم موسیٰ علیہ السلام کا حال تمثیلاً بیان فرمایا کہ قوم موسیٰ علیہ السلام نے موسیٰ علیہ السلام کو ایذاء دینی شروع کی تھی۔ بعوض اس ایذاء کے پروردگار نے قوم موسیٰ کو ایذاء دی۔ یہ مفصل قصہ سورۃ اعراف ومائدہ وبقرہ میں ہے۔ پھر اس کے بعد پروردگار نے عیسیٰ علیہ السلام کی تمثیل بیان فرمائی کہ بنی اسرائیل نے حضرت عیسیٰ علیہ السلام کی تکذیب کی۔ حالانکہ عیسیٰ علیہ السلام بنی اسرائیل کو سمجھا رہے تھے کہ میں رسول اﷲ کا ہوں۔طرف تمہارے، ماننے والا ہوں واسطے اس چیز کے جو آگے میرے ہے تورات سے اور خوشخبری دینے والاہوں ساتھ اس پیغمبر کے جو آوے گا پیچھے میرے جو نام اس کا احمد ہے۔پس جب آیا ان کے پاس پیغمبرساتھ ظاہر دلیلوں کے کہا انہوں نے یہ جادو ظاہر ہے۔ دیکھو آیت ہذا :’’ واذ قال عیسی ابن مریم یابنی اسرائیل انی رسول