بھن توڑ چھڈیا شکنجہ مرزائی جے
بہہ گیا سمندری میں ربوے چوں آنکے
بہت سارے واقعات چھوڑ دتے میں جان کے
طول اتے وقت دی نزاکت نوں پچھان کے
اختصار نال کیتی فرض دی ادائی جےبھن توڑ چھڈیا شکنجہ مرزائی جے
آیا میں سمندری چراغ دین واسطے
ہور کسے لب طمع لالچ نہ آس تے
نہیں تے میں سمندری نوں اونانسی کاستے
سوچیا میں ایہنوں مرا بھائی مرزائی جے
بھن توڑ چھڈیا شکنجہ مرزائی جے
ہاشمی دی ہٹی وچہ ڈیرہ ڈنڈا لا لیا
ان پانی گھروں کدی وکھرا پکا لیا
اوڑ کدی بازی اوہناں ہٹیوں نکالیا
ہٹی اوہناں اپنی کرائے تے چڑھائی جے
بھن توڑ چھڈیا شکنجہ مرزائی جے
ہوگیا تھاں نہ ٹکا نہ رات رہن نوں
دنے نہ سہارا کتے گھڑی پل بہن نوں
کوئی نہ تیار مرے نال کون سہن نوں
بھاویں مرزائی بھاویں غیر مرزائی جے
بھن توڑ چھڈیا شکنجہ مرزائی جے
ہے سی مرزائی نہیں تے ایس طراں نہ کردا
تھوڑا بہتا کچھ تے خدا کولوں ڈردا
پر ایہہ عذاب سی اﷲ اکبر دا
اپنے گناہ دی سزا میر پائی جے
بھن توڑ چھڈیا شکنجہ مرزائی جے
اسماعیل نام اصحابی جے
اوہدے اگے رات نوں میں پایا منت ترلا جے
مرگیا میں پالے مینوں دیو کوئی ٹلا جےکہن لگا ساڈے گھر کپڑا نہ کائی جے
بھن توڑ چھڈیا شکنجہ مرزائی جے
دھٹا ہویا ڈھارا مرزائیاں دی مسیت سی
اوہدے نال مینوں کجھ قدرتی پریت سی
چارے کوٹاں کھلیاں تے اتوں ورہے ہاں سی
ساری رات صف اتے لیٹ کے لنگائی جے
بھن توڑ چھڈیا شکنجہ مرزائی جے
اک دری اک کھیس ایہو پارچات سی
ایہو جائداد میری کل کائنات سی
اکھیاں نے جاگ کے گذاری ساری رات سی
سردی نے خوب شان اپنی دکھائی جے