بھن توڑ چھڈیا شکنجہ مرزائی جے
مرزے عبدالحق ہوراں ہور اگے ٹوریا
اگلیاں جواب دتا سانوں کاہدی لوڑیا
پھیر گھوڑا دل دا پچھا ہاں نوں میں موڑیا
پرنسپل تائیں ساری حالت سنائی جے
بھن توڑ چھڈیا شکنجہ مرزائی جے
پرنسپل کہن لگا ایتھوں ڈیرہ چاتوں
ساڈے ولوں جتھے تیری مرضی ہے جاتوں
میر مسلمان نوں حقیقت سناتوں
احمد نگر وچ وسدے قصائی جے
بھن توڑ چھڈیا شکنجہ مرزائی جے
پھیر دوجی وار وچہ ربوے دے دسیا
ڈھیماں وچوں نکل کے تے واہن وچہ پھسیا
خالد محمد شریف تائیں کسیا
مر گیا میں بھکھا سچے نام دی دہائی جے
بھن توڑ چھڈیا شکنجہ مرزائی جے
ساریاندے اگے کیتی رو کے پکار جے
واسطے خدا دے دسو کوئی کم کار جے
اوہناں نے بنایا کارکن مددگار جے
لائبریری میری ڈیوٹی لگائی جے
بھن توڑ چھڈیا شکنجہ مرزائی جےخورشید صاحب انچارج لائبریری جے
کٹ دتا اوس مینوں کر کے دلیری جے
دوسرا مقرر کیتا بندہ جگہ میری جے
بہت سوہنی کیتی اوس میری خیرخواہی جے
بھن توڑ چھڈیا شکنجہ مرزائی جے
ساریاں میں کس طراں سناواں ہڈ بیتیاں
دفتر اندے وچہ درخواستاں میں کیتیاں
سب نے شراباں لا ابالی دیاں پیتیاں
ہوئے مدہوش ہوش کسے نوں نہ آئی جے
بھن توڑ چھڈیا شکنجہ مرزائی جے
بہت درخواستاں میں کیتیاں حضور نوں
داستان غم دی سنائی جے شعور نوں
ماریاں آوازاں اصحاب قبور نوں
قبر اں دے وچوں نہ آواز کوئی آئی جے
بھن توڑ چھڈیا شکنجہ مرزائی جے
رحم دی اپیل کیتی ظالم صیاد نوں
پتھر نہیں سندا کسے دی آواز نوں
مردہ نہیں پہنچ دا کسے دی امداد نوں
کچھ نہیں حصول نری مغز دی کھپائی جے