پر مکمل عبور تھا۔ قادیانیت پر بھی آپ کی یہ کتاب ریکارڈ کا ایک حصہ ہے۔
۶… کاشف مغالطہ قادیانی فی ردنشان آسمانی: شاہ نعمت اﷲ کرمانی ایران کے ایک نامور صوفی وشاعر گزرے ہیں۔ ان کا ایک قصیدہ مرزاقادیانی ملعون کے ہاتھ لگا۔ اس کی ترتیب الٹ پلٹ کر تحریف لفظی ومعنوی کا ملغوبہ تیار کیا۔ جس میں اپنے مہدی ومسیح ہونے کے کئی جھوٹ تراشے۔ رسالہ کا نام مرزاقادیانی نے ’’نشان آسمانی‘‘ رکھا۔ اﷲ رب العزت نے چوہدری محمد حسین صاحب ایم۔اے کو توفیق دی۔ انہوں نے قصیدہ شاہ نعمت اﷲ کرمانی کے تین مختلف نسخے حاصل کئے اور پھر مرزاقادیانی کے مکروفریب کو دلائل کی دنیا میں ایسے طور پر تار تار کیا کہ دنیا عش عش کر اٹھی۔ ماہنامہ رسالہ انجمن تائید الاسلام لاہور کی اشاعت جولائی ۱۹۲۱ء میں چوہدری محمد حسین صاحب کا یہ رسالہ شائع ہوا۔ اس جلد میں نوے سال بعد (۱۹۲۱ئ…۲۰۱۱ئ) میں شائع کرنے پر ہماری خوشی کے ٹھکانہ کی حد کو خوشیاں دینے والی ذات باری تعالیٰ ہی جان سکتی ہے۔ فالحمدﷲ!
۷… قادیانیوں کا اصل حقیقت سے فرار: جناب عبدالقیوم پراچہ سرگودھا کے رہائشی ہیں۔ قادیانیوں نے ایک رسالہ ’’احمدی مسلمان کس غیر احمدی کے پیچھے نماز پڑھیں‘‘ مرتب کیا۔ جو پراچہ صاحب کے مکان کی ڈیوڑھی میں پھینک گئے۔ آپ نے قادیانیوں کے رسالہ کا اس رسالہ کی شکل میں جواب دیا۔ اس جلد میں شائع کر کے محفوظ کیا جارہا ہے۔
۸/۱… اباطیل مرزا: مرزامحمد اسحاق امرتسری یہ حضرت مولانا ثناء اﷲ امرتسریؒ، مولانا حبیب اﷲ امرتسریؒ کے حلقہ یاران کی ایک اہم کڑی تھے۔ آپ نے ردقادیانیت پر کئی رسائل لکھے۔ ہمیں صرف تین رسائل پر دسترس ہوئی۔ پہلا رسالہ اباطیل مرزا یہ ۲۴؍رمضان ۱۳۵۳ھ کا مرتب کردہ ہے۔ اس میں مرزاقادیانی کے جھوٹ جمع کئے گئے ہیں۔ ۹/۲… حالات مرزا یعنی مرزائی مذہب کی اصلیت: یہ رسالہ بھی مولانا محمد اسحاق امرتسری کا مرتب کردہ ہے۔ اکتوبر ۱۹۳۴ء میں آپ نے یہ شائع کیا۔ اب پون صدی بعد دوبارہ اس رسالہ کی توفیق پر اﷲ رب العزت کے بے پایاں کرم پر سجدہ شکر بجا لاتے ہیں۔
۱۰/۳… بطلان مرزا: مولانا محمد اسحاق امرتسری کا یہ رسالہ ۱۹۳۵ء کا مرتب کردہ ہے۔ یہ بھی اس جلد میں شائع کرنے کی سعادت حاصل کر رہے ہیں۔ ان کا ایک اور رسالہ القول فصیح فی تحقیق المہدی والمسیح بھی آخری مرحلہ پر میسر آیا۔ اسے لولاک جمادی الاوّل ۱۴۳۲ھ میں شائع کردیں گے۔
۱۱… قادیانی مذہب اور علامہ اقبال کا قول فیصل: جناب ڈاکٹر نذیر احمد صوفی سیالکوٹ کے باسی تھے۔ سیالکوٹ کی مسلم لیگ حلقہ نمبر۸ شہر کے صدر بھی تھے۔ آپ نے علامہ اقبال مرحوم کے فرامین کی روشنی میں قادیانیت کے ملعونہ عقائد کا تجزیہ کیا۔ ڈاکٹر نذیر صاحب نے ۱۹۵۳ء کی تحریک ختم نبوت میں مسلم لیگ کے پلیٹ فارم سے تحریک کی بھرپور اخلاقی مدد کی۔ یہ