بھن توڑ چھڈیا شکنجہ مرزائی جے
سچا دربار ہے محمد رسول دا
نانا جو حسین دا تے ابا ہے بتول دا
رہے گا ہمیش ہی رسولی جھنڈا جھولدا
ایسے جھنڈے ہیٹھ ہونی سب دی رہائی جے
بھن توڑ چھڈیا شکنجہ مرزائی جے
آخری کتاب اکو پاک قرآن ہے
حضرت محمد نبی آخرالزمان ہے
ایہو ہے عقیدہ میرا ایہو ہی ایمان ہے
پاک ذات اﷲ اکو میر دا سہائی جے
بھن توڑ چھڈیا شکنجہ مرزائی جے
سن اک سو اننجا ڈیٹ جنوری دی یاراں سی
مک گئی خزاں کھڑ پیاں گلزاراں سی
سکے ہوئے باغ اتے آگیاں بہاراں سی
رحمتاں دی گھٹ جھٹ پٹ چڑھ آئی جے
بھن توڑ چھڈیا شکنجہ مرزائی جے
رب دا سبب بھی عجیب ڈھب میل دا
کسے نوں نہیں بھیت اوہدی قدر تاندے کھیل دا
عبدالحکیم صاحب مولوی کسیل دا
کھچ تقدیر کتوں اوس نوں لیائی جے
بھن توڑ چھڈیا شکنجہ مرزائی جےرکھ دتا بسترہ تے کول میرے بہہ گیا
مسئلے مسائل دیاں گلاں کرن ڈہگیا
ہولی ہولی چمک پتھر لوہے نال کھہ گیا
مقناطیس کشش کھچ لوہے نوں لیائی جے
بھن توڑ چھڈیا شکنجہ مرزائی جے
توڑ کے قفس ہویا پنچھی آزاد جے
باغ دی بہار اجے پنچھی نوں یاد جے
کرے گا ضرور کدی آہلہ آباد جے
ہور کیاں پنچھیاں دی کرے گا رہائی جے
بھن توڑ چھڈیا شکنجہ مرزائی جے
مک گئی کزاں تے فغاں میر بس کر
ہوگیا آزاد توں قفس وچہ پھس کر
زندگی گزار گلزار وچہ وس کر
خوب دل نشین شین دین مصطفائی جے
بھن توڑ چھڈیا شکنجہ مرزائی جے
تمت بالخیر!