بھن توڑ چھڈیا شکنجہ مرزائی جے
اک دن لبھا مینوں اک اشتہار سی
سرخ رنگ حرف سوہنے نقش تے نگار سی
شائع کرنوالی اوہدی مجلس احرار سی
سڑبل کولے ہویا اک مرزائی جےبھن توڑ چھڈیا شکنجہ مرزائی جے
سوڈے والا مستری غلام رسول جے
اشتہار اتوں مینوں بکیا فضول جے
علم والا ہندیاں بھی بہت مجہول جے
سنگھی میری گھٹی کیتی مارنے دھائی جے
بھن توڑ چھڈیا شکنجہ مرزائی جے
میرے پاس کچھ تھوڑا جیا سامان سی
کوئی مینوں گھر تے نہ ٹکری دکان سی
لیا میں کرائے تے کمیٹی دا مکان سی
ڈبل روٹی ویچی سر ٹوکری اٹھائی جے
بھن توڑ چھڈیا شکنجہ مرزائی جے
عزتی بے عزتی نوں سمجھیا میں ہیچ سی
تھوڑے جے منافے اتوں سودا دینا ویچ سی
ہیر پھیر لاوناں نہ کوئی ایچ پیچ سی
اوہو رات کھانی جہڑی دن دی کمائی سی
بھن توڑ چھڈیا شکنجہ مرزائی جے
گیا میں بتالی چک ویچنے نوں روٹیاں
اک مرزائی دیاں نیتاں سی کھوٹیاں
رات مینوں رکھ کے چرایاں ست روٹیاں
چوہدری تے مولوی تے پکا مرزائی جے
بھن توڑ چھڈیا شکنجہ مرزائی جے
نت دی مسافتاں نے دتا مینوں مار سی
گلی گلی گھمنا تے سر اتے بھار سی
سردی دے پاروں ہوگیا ڈاہڈا بیمار سیزندگی دی آس میر دل توں مٹائی جے
بھن توڑ چھڈیا شکنجہ مرزائی جے
پیپے وچہ آٹا تے نہ گھڑے وچہ پانی سی
روٹی نہیں سی لبھدی تے دوا کتھوں کھانی سی
میرے بھانے ہوگیا جہان سارا فانی سی
باراں دن تیک کسے وکی بھی نہ واہی جے
بھن توڑ چھڈیا شکنجہ مرزائی جے
تیرھویں دھاڑے جاں افاقہ کچھ آیا سی
ہولی ہولی اٹھ کے بازار ول ودھیا سی
مہردین تائیں سارا ماجرا سنایا سی
حلقہ سمندری دا جیہڑا ہیڈ ہائی جے