جان کے میں خواہ مخواہ سہیڑ بیٹھا آفت نوں
ربوے میں آیا طے کر کے مسافت نوں
چٹھی پکڑائی جا کے ناظر ضیافت نوں
تن دن اوس روٹی لنگروں کھوائی جے
بھن توڑ چھڈیا شکنجہ مرزائی جے
ایدوں بعد کہن لگا جامیاں گھرنوں
روٹیاں دا انتظام ہور کھتے کرتوں
ربوے شریف وچہ بھکھیاں نہ مرتوں
ربوے دے وچہ وات پچھدانہ کائی جے
بھن توڑ چھڈیا شکنجہ مرزائی جے
غور کیتا کیسا ایہ معاملہ ہے یا اﷲ
احمدی کہ کوفیاندا قافلہ ہے یا اﷲ
ربوہ شریف ہے کہ کربلا ہے یا اﷲ
جیل نالوں لنگر خانہ مرزائی جے
بھن توڑ چھڈیا شکنجہ مرزائی جے
اٹھیا اوبال میری اندر طبیعت دے
گیا وچہ دفتر تعلیم و تربیت دے
بیٹھے اوتھے وڈے وڈے رکن احمدیت دے
السلام علیکم آن میر نے بلائی جے
بھن توڑ چھڈیا شکنجہ مرزائی جے
عبدالسلام اختر نال گھییاں
بولیا کرودھ نال دس اوئے کییاں
عرض کیتی ناظر صاحب ربدا میں جییاں
پھر بھی نہ اوس نے زبان بدلائی جے
بھن توڑ چھڈیا شکنجہ مرزائی جے
مولوی قمردین جگہ دتی بھال جے
چھ چک یاراں ایل ضلع ساہی وال جے
داد فتیانے تے ہڑپے دے وچال جے
لکھ چٹھی اوس میرے ہتھ پکڑائی جے
بھن توڑ چھڈیا شکنجہ مرزائی جے
اوتھے سی رسول بخش مرزائی ذیلدار
مشہور دور دور زمیندار مال دار
کیتی اوس گفتار بہت خوب مزیدار
ساڈے پنڈ مولوی دی ٹور نہیں کائی جے
بھن توڑ چھڈیا شکنجہ مرزائی جے