ملفوظات حکیم الامت جلد 26 - یونیکوڈ |
حضرت حکیم الامتؒ کے ارشاد سے مولانا عاشق الہی صاحبؒ کو تسلی فرمایا مولوی عاشق الہی صاحبؒ نے ایک دفعہ اپنی ایک باطنی حالت کی نسبت سوال کیا ۔ میں نے جواب دیا انہوں نے کہا کہ اس سے تسلی نہیں ہوئی ۔ میں نے کہا کہ مجھ کو مقصود اپنی تسلی ہے اور وہ حاصل ہے تمہاری تسلی مقصود نہیں ۔ طبیب کو اپنی تسلی ہونی چاہیے ۔ مریض کی تسلی اس کے اختیار میں نہیں اور نہ مقصود ہے اور نہ مضر ہے ۔ فرمایا ، انہوں نے کہا کہ اب اس سے تسلی ہو گئی ۔ مباشرت اسباب کی صورت میں تقدس کے شبہ سے نجات ہے فرمایا اس وقت تو اسباب کی مباشرت ضروری ہے ۔ کیونکہ ترک اسباب سے شبہ ہوتا ہے تقدس کا اور مباشرت اسباب کی صورت میں اس سے نجات ہے ۔ دکان معرفت اور اقطاب ثلاثہ فرمایا تھانہ بھون میں جس وقت حضرت حاجی صاحبؒ ، حافظ ضامن صاحبؒ اور مولانا شیخ محمد صاحبؒ تھے بعض لوگ ان کو " اقطاب کہتے تھے اور خانقاہ کو " دکان معرفت ،، کہتے تھے ۔ کرامت کا درجہ فرمایا کرامت کا درجہ ایک دفعہ سبحان اللہ کہنے سے کم ہے ۔ کیونکہ اس میں قرب ہے اور کرامت میں کوئی قرب نہیں ۔ ہر وقت کے حقوق فرمایا ، اکمال الشیم ،، میں جو یہ لکھا ہے کہ ہر وقت کے حقوق ہیں اور وہ دوسرے وقت ادا