عیدگاہ نہ ہوتو نماز عید کہاں؟
مسئلہ(۱۳۲): بہت اسی ایسی جگہوں پر جہاں عیدگاہ نہیں ہوتی وہاں لوگ نماز عیدین اپنے اپنے محلہ کی مسجدوں میں پڑھ لیتے ہیں، جب کہ شرعی تقاضہ یہ ہے کہ وہ بڑا گاؤں جو قصبہ کی طرح ہو اور وہاں علماء نے جمعہ وعیدین وغیرہ پڑھنے کی اجازت دے رکھی ہو، وہاں آبادی سے باہر جنگل میں عیدگاہ بنانا ضروری ہے، حضرت شاہ ولی اللہ محدث دہلوی رحمۃ اللہ علیہ نے عیدگاہ میں نماز عید کے لیے جمع ہونے کی وجوہات میں سے ایک وجہ یہ بھی بتلائی ہے کہ ملت اور مذہب کے لیے ایک دن ہوتا ہے، جس میں ان کی شان وشوکت ظاہر ہو، اور ان کی تعداد زیادہ معلوم ہو، اسی وجہ سے عیدگاہ میں تمام لوگوں کے جمع ہونے کو سنت قرار دیا ، آنحضرت ﷺایک راستے سے آتے تھے اور دوسرے راستے سے واپس ہوتے تھے، تاکہ دونوں راستوں کے باشندے مسلمانوں کی شان وشوکت کو اچھی طرح دیکھ لیں، لہٰذا جس طرح ہو جلد از جلد عیدگاہ بنالیں، اورجب تک عیدگاہ بنے اس وقت تک کے لیے آبادی سے باہر کوئی جگہ تجویز کرلیں، تمام مسلمان اسی میں نماز پڑھیں اور اجر عظیم کے حقدار بنیں، انشاء اللہ سبقت کرنے والے زیادہ ثواب کے حقدار ہوں گے۔ (فتاویٰ رحیمیہ:۳/۶۷)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
