۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
..............................
=نہیں، مثلاً: یہ حکم بھی اسلام ہی نے دیا ہے اور انتہائی تاکید کے ساتھ دیا ہے کہ - اپنے کسی عمل سے کسی دوسرے کو تکلیف نہ پہنچاؤ[۱]، اپنے گھروں کے ماحول کو صاف سُتھرا رکھو[۲]، لوگوں کی گذرگاہوں اور راستوں کو گندا نہ کرو، بلکہ راستے میں پڑی ہوئی گندگی یا کسی تکلیف دہ چیز کو راستے سے ہٹا دینا - ایمان ہی کا ایک شعبہ ہے[۳]، لہٰذا جہاں قربانی ایک صاحبِ استطاعت مسلمان کے لیے ضروری ہے، وہاں اس کے ذمہ یہ بھی فریضہ عائد ہوتا ہے کہ وہ ذبح شدہ جانور کی آلائشوں کو اس طرح ٹھکانے لگانے کا انتظام کرے کہ اس سے ماحول میں گندگی نہ پھیلے، اُن آلائشوں کو شارعِ عام (عام راستے) پر ڈال دینا، یا اُنہیں اِ س طرح چھوڑ کر چلے جانا کہ وہ پڑی سڑتی رہیں، اور لوگوں کے لیے تکلیف کا باعث ہوں، ایک مستقل گناہ ہے[۴]، اور اس قسم کے گناہ کر کرکے عبادت انجام دینا بھی عبادت کے بنیادی مقصد سے جہالت کی دلیل ہے۔خلاصہ یہ کہ قربانی ایک عبادت ہے، کوئی ہَڑبَونگ (ہنگامہ، بد نظمی) نہیں ہے، جو قواعد وضوابط سے آزاد ہو، اور اس کے دوران نظم وضبط اور صفائی سُتھرائی کے احکام وآداب کو نظر انداز کردیا جائے، بلکہ اس عبادت کا تو اول وآخر پیغام ہی یہ ہے کہ : {اِنَّ صَلٰوتِيْ وَنُسُکِيْ وَمَحْیَايَ وَمَمَاتِيْ لِلّٰہِ رَبِّ الْعٰلَمِیْنَ} ۔ ’’بے شک میری نماز، میری عبادت، اور میرا جینا مرنا سب کچھ اللہ کے لیے ہے، جو تمام جہانوں کا پروردگار ہے۔‘‘ [۵]
[۱] ما في ’’ مشکوۃ المصابیح ‘‘ : عن أبي ہریرۃ قال : قال رسول اللّٰہ ﷺ : ’’ المسلم أخو المسلم ؛ لا یظلمہ ولا یخذلہ ولا یحقرہ ، التقویٰ ہہنا ، - ویشیر إلی صدرہ - ثلاث مرار - بحسب من الشر أن یحقر أخاہ المسلم ، کل المسلم علی المسلم حرام ؛ دمہ ومالہ وعرضہ‘‘ ۔ رواہ مسلم ۔ (ص/۴۲۲)
[۲] ما في ’’ جامع الترمذي ‘‘ : عن صالح بن أبي حسان قال : سمعت سعید بن المسیب یقول : ’’إن اللّٰہ طیب یحب الطیب ، نظیف یحب النظافۃ ، کریم یحب الکرم ، جواد یحب الجود ، فنظفوا ‘‘ ۔ أراہ قال : ’’ أفنیتکم ، ولا تشبہوا بالیہود‘‘ ۔ (۳/۵۳۷ ، کتاب الأدب ، حدیث :۲۷۹۹ ، بیروت)
[۳] ما في ’’ مشکوۃ المصابیح ‘‘ : عن أبي ہریرۃ قال : قال رسول اللّٰہ ﷺ : ’’ الإیمان بضع وسبعون شعبۃ ، فأفضلہا قول : لا إلہ إلا اللّٰہ ، وأدناہا إماطۃ الأذی عن الطریق ، والحیاء شعبۃ من الإیمان ‘‘ ۔ متفق علیہ ۔ (ص/۱۲، کتاب الإیمان)
[۴] ما في ’’ سنن أبي داود ‘‘ : (عن) عبد اللّٰہ بن بریدۃ قال : سمعت أبي ؛ بریدۃ - یقول : سمعت رسول اللّٰہ ﷺ ۔۔۔۔۔۔۔۔ قال : ’’ النخاعۃ في المسجد تدفنہا ، والشيء تنحیہ عن الطریق ‘‘ ۔
(ص/۷۱۱ ، مکتبہ دار السلام سہارنپور)
[۵] (سورۃ الأنعام :۱۶۳) =