خلاصہ جوابات
سونے اور چاندی کا نصاب
۱؍…اگر کسی شخص کے پاس سونا یا چاندی دونوں میں سے کوئی بھی نصاب موجود نہ ہو، بلکہ نقود یا اموالِ تجارت ہوں ، تو وجوبِ زکوۃ وحرمتِ زکوۃ کے لیے چاندی کے نصاب کو پیمانہ بنایا جائے گا، یعنی جس کے پاس نقود یا اموالِ تجارت ہوں اور ان کی مالیت ساڑھے باون تولہ چاندی کو پہنچ جاتی ہو ، تو ایسے شخص پر زکوۃ واجب ہوگی ، اور زکوۃ لینا درست نہیں ہوگا، اور جس کے پاس یہ مقدار نہ ہو اس پر زکوۃ واجب نہیں ہوگی،اور اس کے لیے زکوۃ لینا جائز ہوگا۔
۲؍… ضمِ نصاب کے مسئلہ میں امام صاحب کا قول ہی معتبر ہونا چاہیے، کیوں کہ وہ انفع للفقراء واحوط للاغنیاء ہے۔
غیر مسلم ممالک میں عدالت کے ذریعہ طلاق
۱؍…صورتِ اولیٰ تحکیم کی ہے جو شرعاً درست نہیں۔
۲؍…یہ صورت بھی تحکیم ہی ہے جو درست نہیں۔
۳؍… فرقت واقع نہیں ہوگی۔
۴؍… مسلم حاکم وقاضی کی حیثیت دی جائیگی ، اور اس کا فیصلۂ فر قت بھی معتبر ہوگا۔
تورّق کا مسئلہ
ضرورتاً بیع تورّق کی اجازت ہونی چاہیے، کیوں کہ بیعِ وفاء کی صورت بھی اس سے ملتی جلتی ہے، مگر متاخرین نے ضرورتاً اس کی اجازت دی ہے۔
