۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
..............................
=ما في ’’ جواہر الفقہ ‘‘ : ’’خدانخواستہ اگر یہ طریق مروج ہوگیا تو مثل تورات وانجیل احتمال قوی اصل قرآن مجید کے ضائع ہونے کا ہے اور حفاظت اصل قرآن مجید کی فرض ہے اور اس کا اخلال حرام ہے ، اور فرض کا مقدمہ فرض ، اور حرام کا مقدمہ حرام، اور یہ شبہ نہ کیا جاوے کہ یہ احتمال بعید ہے ، محققان دین ومبصران اسلام سے ایسے احتمالات کا اعتبار ثابت ہے، پھر خواہ بعید ہو یا قریب ہم پر بھی واجب ہے کہ اس کا لحاظ کریں، حضرات شیخین رضی اللہ تعالیٰ عنہما نے بعض قراء کی شہادت کے وقت بعد سرسری مناظرہ کے محض ضیاعِ قرآن کے احتمال کا اعتبار کرکے قرآن مجید کے جمع کا اہتمام ضروری قرار دیا تھا، حالانکہ قرآن مجید اس وقت بھی متواتر تھا اور اس کے ناقل اس کثرت سے موجود تھے کہ اس کے تواتر کا انقطاع احتمال بعید تھا، لیکن پھر بھی اس کا لحاظ کیا گیا، پس جیسا اس وقت عدم کتابت میں احتمال ضیاع کا تھا اسی طرح صرف ترجمہ کی کتابت میں اس کا احتمال ہے۔‘‘
(۱/۱۱۳، نقل فتویٰ حضرت حکیم الامت مجدد الملۃ حضرت مولانا اشرف علی صاحب نور اللہ مرقدہٗ وقدس سرہٗ)
ما في ’’ فتاوی محمودیہ ‘‘ : ’’بغیر عربی کے محض اردو یا کسی بھی زبان میں قرآن شریف کو لکھنا چھاپنا منع ہے، اتقان میں اس پر ائمہ اربعہ کا اجماع نقل ہے۔‘‘
(فتاویٰ محمودیہ: ۳/ ۵۱۰، باب ما یتعلق بالقرآن ، ترجمۂ قرآن بغیر عربی عبارت کے، کراچی، امداد الفتاویٰ :۴/۳۹ تا ۴۲، عدم جوازِ کتابت واشاعت ترجمۂ قرآن مجید مجرد از قرآن، امداد الاحکام: ۱/۲۳۲ تا ۲۳۹، قرآن مجید کی کتابت میں خط عثمانی کا واجب ہونا اور ترجمۂ قرآن کو علیحدہ چھاپنے کا حکم،امداد الفتاویٰ :۴/۴۲ ، ۴۳،مشورہ در ترجمہ قرآن مجید بزبان ہندی،کفایت المفتی : ۱/۱۲۶، ۱۲۸، کتاب العقائد، خیر الفتاویٰ :۱/۲۱۷، محض اردو ترجمہ چھاپنا جائز نہیں)
ما في ’’ فتح القدیر لإبن الہمام ‘‘ : وفي الکافي : إن اعتاد القرآن بالفارسیۃ أو أراد أن یکتب مصحفا بہا یمنع ، فإن فعل آیۃ أو آیتین لا ، فإن کتب القرآن وتفسیر کل حرف وترجمتہ جاز ۔ الخ ۔ (۱/۲۸۶، باب صفۃ الصلاۃ ، مصطفی البابي الحلبي مصر ، رد المحتار :۱/۴۸۶ ، مطلب في بیان المتواتر والشاذ ، مکتبہ سعید کراچي ، مناہل العرفان : ۲/۳۸، دار احیاء التراث العربي بیروت)
ما في ’’ فتاوی محمودیہ ‘‘ : ’’محض اردو میں قرآن پاک لکھنا اور چھاپنا اور فروخت کرنا اور خریدنا درست نہیں، اصل عربی کے ساتھ ترجمہ بھی ہو تو درست ہے۔‘‘ (۳/۵۰۹، اردو میں قرآن پاک لکھنا )
(۲) ما في ’’ القرآن الکریم ‘‘ : {ولا تعاونوا علی الإثم والعدوان} ۔ (سورۃ المائدۃ :۲)
ما في ’’ رد المحتار ‘‘ : ’’ ما کان سببًا لمحظور فھو محظور ‘‘ ۔ (۵/۲۲۳، ط : نعمانیہ)=