مسئلہ. اگر نابالغ لڑکا لڑکى روزہ رکھ کے توڑ د-الے تو اس کى قضا نہ رکھائے. البتہ اگر نماز کى نیت کر کے توڑ دے تو اس کو دہرائے.
اعتکاف کا بیان
رمضان شریف کى بیسویں تاریخ کے دن چھپنے سے ذرا پہلے سے رمضان کى انتیس یا تیس تاریخ یعنى جس دن عید کا چاند نظر آجائے اس تاریخ کے دن چھپنے تک اپنے گھر میں جہاں نماز پڑھنے کے لیے جگہ مقرر کر رکھى ہو اس جگہ پر پابندى سے جم کر بیٹھے اس کو اعتکاف کہتے ہیں اس کا بڑا ثواب ہے اگر اعتکاف شروع کرے تو فقط پیشاب پاخانہ یا کھانے پینے کى ناچارى سے تو وہاں سے اٹھنا درست ہے اور اگر کوئى کھانا پانى دینے والا ہو تو اس کے لیے بھى نہ اٹھے. ہر وقت اسى جگہ رہے اور وہیں سو وے اور بہتر یہ ہےکہ بیکار نہ رہے قرآن پڑھتى رہے نفلیں اور تسبیحیں جو توفیق ہو اس میں لگى رہے اور اگر حیض یا نفاس آجائے تو اعتکاف چھوڑ دے اس مىں درست نہیں اور اعتکاف میں مرد سے ہمبستر ہونا لپٹنا چمٹنا بھى درست نہیں.
