دل کا سنوارنا
زیادہ کھانے کى حرص کى برائى اور اس کا علاج
بہت سے گناہ پیٹ کے زیادہ پالنے سے ہوتے ہیں. اس میں کئى باتوں کا خیال رکھو. مزیدار کھانے کى پابند نہ ہو حرام روزى سے بچو. حد سے زیادہ نہ بھرو بلکہ دو چار لقمے کى بھوک رکھ کر کھاؤ. اس میں بہت سے فائدے ہیں ایک تو دل صاف رہتا ہے جس سے خدائے تعالى کى نعمتوں کى پہچان ہوتى ہے اور اس سے خدائے تعالى کى محبت پیدا ہوتى ہے. دوسرے دل میں رقت اور نرمى رہتى ہے جس سے دعا اور ذکر میں لذت معلوم ہوتى ہے. تیسرے نفس میں بڑائى اور سرکشى نہیں ہونے پاتى. چوتھے نفس کو تھوڑى سى تکلیف پہنچى ہے اور تکلیف کو دیکھ کر خدا کا عذاب یاد آتا ہے اور اس وجہ سے نفس گناہوں سے بچتا ہے. پانچویں گناہ کى رغبت کم ہوتى ہے. چھٹے طبیعت ہلکى رہتى ہے. نیند کم آتى ہے تہجد اور دوسرى عبادتوں میں سستى نہیں ہوتى. ساتویں بھوکوں اور عاجزوں پر رحم آتا ہے بلکہ ہر ایک کے ساتھ رحمدلى پیدا ہوتى ہے.
زیادہ بولنے کى حرص کى برائى اور اس کا علاج
