تراویح کى فضیلت کا بیان
حدیث. حدیث میں ہے کہ بے شک اللہ تعالى نے فرض کىا ہے تم پر رمضان کا روزہ اور سنت کیا ہے اس کى رات کا قیام یعنى تراویح پڑھنا پس جو شخص اس کا روزہ رکھے اور اس کى رات میں قیام کرے یعنى تراویح پڑھے ایمان کے اعتبار سے یعنى روزے اور تراویح کو دین کا حکم سمجھے اور ثواب طلب کرنے کى نیت سے اور یقین ثواب کا سمجھ کر. تو ہوگا وہ یعنى روزہ اور تراویح کفارہ یعنى مٹانے والا اس کے لیے جو گذرا یعنى جو اس سے صغیرہ گناہ ہوئے وہ سب معاف ہو جائیں گے. پس اس مہینہ میں بہت نیکیاں کرنى چاہئیں. ایک فرض ادا کرنے سے ستر فرض کا اور نفل کام کرنے سے فرض کام کرنے کے برابر ثواب ملتا ہے.
عیدین کى راتوں کى فضیلت کا بیان
حدیث. میں ہے جو بیدار رہا عید الفطر کى رات اور عید الاضحى کى رات میں نہ مردہ ہوگا اس کا دل جس دن دل مردہ ہوں گے یعنى قیامت کے دن کى دہشتوں سے محفوظ رہے گا جس روز کہ لوگ قیامت کى سختیوں سے پریشان ہوں گے.
