آپ اور آپ کی جماعت کے دل میں قلبی جوش نہیں محض تصنع اور بناوٹ ہے۔ ایسے آزاد زمانے میں ڈپٹی کمشنر کی ذرا سی دھمکی پر آپ نے کسی کے حق میں پیشین گوئی کرنے سے کان نہیں پکڑا۔ کیا عیسیٰ علیٰ نبیّنا علیہ السلام کے جلال سے آنے کا انکار مہدی کو خونی بتانا محض ڈر نہیں تو کیا ہے۔ حالانکہ خود (حقیقت الوحی کے ص۱۵۶، خزائن ج۲۲ ص۱۶۰) اور عبدالحکیم خان کے خط میں نبی کریمﷺ کے خون کی ندیاں بہادینے کو تسلیم کیاہے۔ اجی! حضرت جن وجوہات اور بنیاد پر آنحضرت نے خون کی ندیاں بہائیں اسی بناء پر حضرت مہدی علیہ الرضوان کے تلوار چلانے کو تسلیم کر لو۔ کیا معلوم نہیں کہ مہدی علیہ الرضوان کا خروج تب ہوگا جب کفار حرمین شریفین پر حملہ کرنا چاہیں گے۔ کیا ان کی مدافعت کے لئے جنگ کرنا مطابق وجہ نمبر اوّل مسئلہ آنجناب عین آنحضرتﷺ کی اتباع نہیں ۔ کیا مہدی کے لئے آزاد خدا داد ملک میں بطور مدافعت جنگ کرنا گناہ ہوسکتا ہے؟ ایسی صورت میں کوئی صاحب بھی ان کو خونی کسی کا باغی یا مفسد کہہ سکتا ہے۔ کیا اگر طاقت خداداد سے ملک خدا سے اعداء خدا کو نیست ونابود کردیں تو فضل خدا سے بعید ہے۔ جبکہ ادنیٰ حکومت جاپان نے روس جیسی عظیم الشان سلطنت کو منچوریا سے نکال کر بے دخل کردیا دوسری وجہ بھی حضرت مہدی علیہ السلام کے لئے ٹھیک موزوں ہے کہ ان کی تلوار سے اعداء دین کو عذاب الٰہی پہنچے گا کہ جو دین اسلام سے دنیا کو مٹانا چاہیں گے۔ غرض مہدی علیہ السلام ہر پہلو سے تابع طریقہ نبویہ علیہ الصلوٰۃ والسلام والتحیۃ ہوں گے۔ کیا اس اسلامی عقیدہ کی وجہ سے رعایا کو گورنمنٹ ہند باغی خیال کرسکتی ہے۔ جبکہ یہ بھی عقیدہ ہے کہ خدا جانے کب مہدی علیہ السلام کا خروج ہوگا اور عرب میں ہوگا۔ ہاں اگر تم پر بوجہ رعایا ہونے کے گورنمنٹ ہندیہ خیال کرے تو بجا ہے۔ جبکہ تمہاری جماعت لاکھوں سے تجاوز کرچکی ہے۔ ممکن ہے کہ کوکوں کی طرح اپنی کثرت کے بھروسہ پر جوش آجائے اور ملک میں بغاوت پھیلادیں۔ ہائے افسوس ارے بڈھے فرتوت! تیری عقل ماری گئی کہ اسلامی عقائد کہ جو کسی پہلو سے بھی کسی کی مزاحمت نہیں کرتے۔ ہنسی کراتا ہے اور ان کو بدنام کرنا چاہتا ہے۔ الغرض یہ بودا پن ہے کہ تجھ کو ہرگز سکھوں کے برابر نہیں ہونے دے گا۔ کیوں مرزا قادیانی؟ کہئے کیسے یقینی باطل فرقے کی ترقی وعروج کو کس قدر ثابت کردیا گیا ہے کہ تم کو اور تمہاری جماعت کو کبھی بھی میسر نہ ہوسکے کہو مرزا قادیانی اسی منہ سے لعنت اللہ علی الکاذبین۔ ………مرزائیو! الیس منکم رجل رشید۔
