خبر واحد کی پانچویں تقسیم
خبر واحد صیغ کے اعتبارسے دو قسم پر ہے۔(۱) معنعن ۔(۲) مسلسل۔
معنعن… وہ حدیث ہے جس کی سند میں لفظ ’’عن‘‘ ہو اوراس کو ’’عن عن‘‘ بھی کہا
جاتا ہے۔
مسلسل… وہ حدیث ہے جس کی سند میں صیغ ادا کے یا راویوں کے صفات یا حالات
ایک ہی طرح کے ہوں۔
باب اوّل
عقیدہ ظہور مہدی احادیث کی روشنی میں
الحمدﷲ وکفی والصلوٰۃ والسلام علی محمد ن المصطفیٰ وعلی الہ واصحابہ الاتقیاء ۰امابعد فقد قال اﷲ تبارک وتعالیٰ فان تنازعتم فی شی ء فرودوہ الی اﷲ والرسول(النساء :۵۹)
اﷲ تبارک وتعالیٰ کا ارشاد ہے کہ اگر کسی مسئلے کے متعلق اختلاف رائے ہو تو خدا کی کتاب اورنبی کریمﷺ کی طرف اس کو لوٹاؤ۔ یعنی اس کا حکم کتاب اﷲ اور سنت رسول اﷲ ﷺ میں تلاش کرو۔اس قاعدے کے مطابق جس مسئلے میں مسلمانوں میں اختلاف رائے ہوتو بجائے اس کے کہ اپنی رائے پر زوردیا جائے اوراسے حتمی وآخری سمجھا جائے۔ چاہئے کہ اس کو اﷲ کی کتاب اورحضورﷺ کی سنت میں تلاش کیا جائے۔ کیونکہ دین کے یہی دو ایسے سرچشمے ہیں۔ جس سے ہدایت کے پیاسے سیراب ہوسکتے ہیں۔ جیسے کہ رسول اﷲﷺ نے فرمایا:
’’فاعقلو اایھاالناس قولی فانی قدبلغت وقد ترکت فیکم ایھا الناس ما ان اعتصمتم بہ فلن تضلوا ابداکتاب اﷲ وسنۃ نبیہ(کتاب السنۃ لمحمد بن نصر المروزی ص۲۱){اے لوگو!میری بات کو سمجھو میں نے تمہیں دین کی باتیں پہنچا دی ہیں اورایسی چیزیں چھوڑی ہیں کہ اگر تم ان کو مضبوطی سے پکڑو تو گمراہ نہیں ہوگے۔ ایک کتاب اﷲ اوردوسری اﷲ کے رسولﷺ کی سنت۔ }
اس طرح حدیث کی دوسری کتابوں میں بھی یہ مضمون مختلف الفاظ سے مروی ہے۔
جنوری ۱۹۸۱ء کے قومی ڈائجسٹ میں جناب اختر کاشمیری صاحب کا ایک مضمون خروج مہدی کے متعلق چھپاتھا۔ جس میں انہوںنے تحقیقی اورسنجیدہ طریقے پر ظہور مہدی کے مسئلے