منکر… وہ حدیث ہے جس کا راوی باوجود ضعیف ہونے کے جماعت ثقات کے
مخالف روایت کرے۔
معروف… وہ حدیث ہے جو منکر کے مقابل ہو۔
معلل… وہ حدیث ہے جس میں کوئی ایسی علت خفیہ ہو جو صحت حدیث میں نقصان
دیتی ہے۔اس کومعلوم کرنا ماہر فن ہی کا کام ہے۔ہر شخص کا نہیں۔
مضطرب… وہ حدیث ہے جس کی سند یامتن میں ایسااختلاف واقع ہو کہ اس میں
ترجیح یاتطبیق نہ ہوسکے۔
مقلوب… وہ حدیث ہے جس میں بھول سے متن یاسند کے اندرتقدیم وتاخیر واقع ہو گئی ہو۔یعنی لفظ مقدم کو مؤخر اورمؤخر کو مقدم رکھا گیا ہو۔ یا بھول کر ایک راوی کی جگہ دوسرا راوی رکھاگیاہو۔
مصحف۱؎… وہ حدیث ہے جس میں باوجود صورت خطی باقی رہنے کے لفظوں حرکتوں
وسکونوں کے تغیر کی وجہ سے تلفظ میں غلطی واقع ہوجائے۔
مدرج … وہ حدیث ہے جس میں کسی جگہ راوی اپنا کلام درج کردے۔
خبر واحد کی چوتھی تقسیم
خبر واحد سقوط وعدم سقوط راوی کے اعتبار سے سات قسم پرہے۔(۱) متصل۔ (۲) مسند۔(۳) منقطع۔(۴) معلق۔(۵) معضل۔(۶)مرسل۔(۷)مدلس۔
متصل… وہ حدیث ہے کہ اس کی سند میں راوی پورے مذکور ہوں۔
مسند… وہ حدیث ہے کہ اس کی سند رسول اﷲﷺ تک متصل ہو۔
منقطع… وہ حدیث ہے کہ اس کی سند متصل نہ ہو۔بلکہ کہیں نہ کہیں سے راوی گرا ہوا ہو۔
معلق… وہ حدیث یہ جس کی سند کے شروع میں ایک راوی یا کثیر گرے ہوئے ہوں۔
معضل… وہ حدیث ہے جس کی سند کے درمیان میں سے کوئی راوی گرا ہواہو یا اس
کی سند میں ایک سے زائد راوی پے بہ پے گرے ہوئے ہوں۔
مرسل… وہ حدیث ہے جس کی سند کے آخر سے کوئی راوی گراہواہو۔
مدلس… وہ حدیث ہے جس کے راوی کی یہ عادت ہو کہ وہ اپنے شیخ یا شیخ کے شیخ کا
نام چھپالیتاہو۔
۱؎ بعض اوقاف مصحف کو محرف بھی کہتے ہیں۔ (مقدمہ فتح الملہم ص۱۴۲)