ہیں۔ کہ وہ ایسا ہے ویسا ہے ایسے کا تیسا ہے اس کا باپ ڈبل پیسا ہے۔
مرزائی… اتنی اتنی بڑی مضبوط کتابیں لکھی ہیں کیا بے مولوی ہونے کے لکھتے ہیں۔
سنی مسلمان… کتابیں لکھنا تو کوئی دلیل مولوی ہونے کی نہیں اردو خوان بھی کتابوں سے چھانٹ چھانٹ کر لکھ سکتے ہیں۔ اردو میں تمام کتابیں موجود ہیں قرآن کے حدیث کے تراجم موجود اس کے علاوہ جتنے کتابیں لکھنے والے ہیں ۔ مرزا صاحب سے تنخواہ پاتے ہیں ان کے دسترخوان پر روٹی کھاتے ہیں۔ پھر جس کا کھائے اسی کا گائے، بجائے ان کو خدا اور خدا کے دین سے کیا کام۔
مرزائی… حضرت حکیم الامت جناب مولوی حافظ حاجی نور الدین صاحب کیا تنخواہ پاتے ہیں اور ان کو کیا لالچ ہے۔ جو اپنے گھر بار روزگار کو چھوڑ کر کچے مکانوں میں قادیان دارالامان میں ہی بودوباش اختیار کرلی ہے۔ یہ ایک جلیل الشان فاضل انسان ہیں اور مولوی حکیم حافظ حاجی حرمین ہیں اور تمام جہان کی تفسیریں اپنے پاس رکھتے ہیں۔ اور ایسا ہی ان کے دل میں ہزار ہا قرآنی معارف کا ذخیرہ ہے۔ کیا وہ بغیر کسی بات کے دیکھنے کے دانستہ اپنی خانماں کو چھوڑ کر قادیان میں آ بیٹھے ہیں اور تکلف کے ساتھ کچی کوٹھیوں میں بسر کرتے ہیں کیا کوئی دانستہ اس تکلیف کو گوارا کرتا ہے۔
سنی مسلمان… پہلے ہم کو بھی قبل از تجربہ و وقوف سراصل حقیقت سماعی بنیاد پر حسن ظن ہے ایسا ہی گمان تھا لیکن جوں جوں حالات سے آگاہی ہوتی گئی۔ بفضلہ تعالیٰ و تقدس اس غلط حسن ظن سے بھی نجات ہوتی گئی۔
مثلاً سب سے اول تو اس حسن ظن میں فرق ڈالنے والا مولوی صاحب (حکیم صاحب) کا وہ حلفی اشتہار ہوا جو انہوں نے عبد اللہ آتھم کے بارہ میں پیشگوئی پورا ہوجانے کا دیا۔
باوجودیکہ اس اشتہار سے پہلے ایک شخص کے استفسار پر تحریری شہادت دے چکے تھے کہ وہ پیشگوئی پوری نہیں ہوئی۔
۲… مولوی صاحب کے علم و فضل کا جو نمونہ خط و کتابت مندرجہ رسالہ ’’خلاف بیانی‘‘ میں موجود ہے وہ جیسا عبرتناک پردہ پر انداز ہے محتاج بیان نہیں کہ اول ایک خط بدرخواست ترک مخالفت اور برس چھ ماہ تک نشان دیکھنے کے لیے خاموش رہنے کے واسطے لکھ کر بھیجا۔ پھر انکار کردیا کہ ایسا کوئی خط نہیں لکھا۔ بعد جب وہ خط ظاہر ہونے لگا اور آرندہ خط نے وہ خط لا کر پہنچا دینے کا لوگوں کے روبرو اقبال کردیا۔ تو پھر وہی خط مشہتر کردیا۔
۳… مولوی صاحب نے بمخالفت قاضی سلیمان صاحب اپنے خط موسومہ نور الدین مطبوعہ اخبار الحکم ۲۴ نومبر ۱۸۹۹ء میں ایسا اندھیر کیا اور اپنی لیاقت اور دیانت کا ایسا ثبوت دیا کہ اپنے فضل
